2023-2024 оны хичээлийн жилд ОХУ-ын Засгийн газрын тэтгэлгээр Оросын их, дээд сургуульд суралцах оюутны тоог 620 болгон нэмэгдүүлжээ.
Энэ жил ОХУ-ын Засгийн газраас Монгол Улсад 620 тэтгэлэгт хуваарь гаргасан талаарх мэдээллийг Улаанбаатар дахь Русский дом-оос өглөө.
Түүнчлэн Улаанбаатар дахь Русский дом нь 2022 онд нийгэм, хүмүүнлэгийн салбарт хийж гүйцэтгэсэн ажлаа дүгнэж, Орос-Монголын харилцааг бэхжүүлэхэд хувь нэмэр оруулан, бүтэн жилийн туршид үр бүтээлтэй хамтран ажилласан Монголын хэвлэл мэдээллийн зарим байгууллагыг онцлон талархал илэрхийлсэн юм.