Монгол Улсад анх удаа “Ковид-19 цар тахлын сөрөг нөлөөг олон нийтийн оролцоотой бууруулах нь” төслийг Иргэний нийгмийн байгууллага (ИНБ)-ууд Японы ядуурлыг бууруулах сан болон Азийн хөгжлийн банкны дэмжлэгтэйгээр хэрэгжүүлж байгаа. Энхүү төслийн хүрээнд Баянгол дүүргийн Засаг дарга Ө.Сумъяабаатар 26 ИНБ-тай хамтран ажиллах санамж бичгийг 2021 оны 06 дугаар сарын 29-ний өдөр байгуулсан юм.

Тэгвэл дээрх санамж бичгийн хүрээнд өнөөдөр өрхийн үйлдвэрлэлийг дэмжих сургалтыг Баянгол дүүргийн Засаг даргын Тамгын газрын Нийгмийн хөгжлийн хэлтэс болон Жижиг, дунд үйлдвэрлэлийг дэмжих төв, 26 ИНБ хамтран зохион байгууллаа. Тус сургалтад Баянгол дүүргийн 6, 14, 19, 22 дугаар хорооны 4 өрх хамрагдсан юм.

Энэ үеэр оролцогдчод шарах шүүгээ, холигч, гар багажны 2 төрлийн жижиг хэрэгслийн кос бүхий талх, нарийн боовны үйлдвэрлэлийн тоног төхөөрөмж, үйлдвэрлэл эрхлэх зааварчилгаа, гарын авлага, сургалтын болон Ковид-19 хувийн хамгаалах хэрэгслийн багцын дэмжлэгийг үзүүллээ.