Байт харвааны "Нийслэл өргөө" клубын дасгалжуулагч, Спортын мастер Дуутан овогт Цэрэнпилийн Жамсранжав агсны нэрэмжит "Мөнгөн сум" тэмцээн эхэллээ. 

Багш, дасгалжуулагч Ц.Жамсранжав агсны нэрэмжит байт харвааны тэмцээн 2 жилд 1 удаа болдог бөгөөд энэ жил 4 дэх удаагаа зохион байгуулагдаж байна.

Хамгийн анхны "Мөнгөн сум" тэмцээнийг 2015 онд заалны 18м зайд зохион байгуулж байсан юм. Үүний дараа баг, тамирчдыг чавхижуулах зорилгоор Олимпын зай буюу 70 метрийн зайд зохион байгуулж эхэлсэн бөгөөд 3 дахь удаагийн тэмцээн ийн эхэллээ. 

Өнөөдрийн тэмцээнд 100 гаруй тамирчин оролцож байгаагаас өсвөр насны 36 тамирчин, насанд хүрэгчдийн 67 тамирчин цэц мэргэнээ сорино. 

Хоёр насны ангилалд ганцаарчилсан, багийн, холимог багийн төрлүүдэд нийт 21 багц медалийн төлөө баг, тамирчид өрсөлдөнө.

Багш, дасгалжуулагч Ц.Жамсранжав нь 40 орчим жил Монголын Байт харвааны спортын хөгжлийн төлөө бие сэтгэлээ зориулан ажиллаж байсан бөгөөд түүний шавь нар дундаас тив, дэлхийд өндөр амжилт гарган оролцож байв. 

Түүний нэрэмжит "Мөнгөн сум" тэмцээнийг гэр бүл, шавь нар нь хамтран зохион байгуулж эхлэхдээ монголын байт харваан тамирчдыг чадавхижуулах, тэмцээн уралдааныг чанаржуулах зорилготой байсан юм. "Мөнгөн сум" тэмцээн нь Байт харваан спортын хамгийн өндөр төсөвтэй тэмцээнд тооцогддог байна.