Дархан-Улаанбаатар чиглэлийн авто замын засвар шинэчлэлийн ажил дуустал нэмэлт галт тэрэг явуулахаар болжээ.

Энэ талаар Дархан-Уул аймгийн Засаг дарга Б.Азжаргал "УБТЗ ХНН-ийн ерөнхий инженер Сергей Петрович Старцевтай уулзахдаа Дархан-Улаанбаатар чиглэлийн авто замын засвар шинэчлэлийн ажил дуустал нэмэлт галт тэрэг өдрийн цагаар явуулж өгөх хүсэлт тавьсны дагуу 2022 оны Дөрөвдүгээр сарын 21-ний пүрэв гаригаас эхлэн нэмэлт галт тэрэг аялж эхлэхээр боллоо.

Уг галт тэрэг УБ өртөөнөөс 8:50 цагт хөдөлж, Дархан өртөөнд 13:17 цагт ирэх бол Дархан өртөөнөөс 14:07-д хөдөлж, УБ өртөөнд 19:00 цагт очно" хэмээн мэдээллээ.

Дашрамд, Зам тээврийн хөгжлийн яамнаас Улаанбаатар-Дархан чиглэлийн авто замыг дөрвөн эгнээ болгож өргөтгөн шинэчлэх үндсэн ажлууд болох гүүр, хоолой хиймэл байгууламж, далан, суурь, хучилтын ажлыг 2022 оны аравдугаар сарын 30-нд дуусгаж, тээврийн хэрэгслийн хөдөлгөөнийг нээхээр төлөвлөн ажиллаж байгаа ба 2023 оны аравдугаар сарын 30-нд бүрэн ашиглалтад оруулна хэмээн мэдээллээд байгаа юм.