Өнөөдөр өглөө "Буянт-Ухаа-2" хороолол орчимд зам тээврийн ноцтой осол гарлаа.
"Өглөө 07:58 цагт ослын дуудлага ирсэн. Ланд Круизер 200 болон Приус маркийн гурван автомашин, нийт дөрвөн машин мөргөлдсөн осол гарсан. ХУД-ийн Замын цагдаагийн хэлтсийн байцаагч хэргийн газар үзлэг хийж, акт тавин зөрчлийн хэрэг үүсгэн ажиллана. Ослын шалтгааныг тодруулахаар ажиллаж байна" гэж Тээврийн цагдаагийн албанаас мэдээллээ.
Ослын улмаас хүний амь хохироогүй ба яаралтай түргэн тусламжийн төвийн эмч ирж үзээд осолд өртсөн иргэдийн биеийн байдал хэвийн байсан тул авч яваагүй байна. Гэхдээ нарийн мэргэжлийн эмчид үзүүлж, компьютер томографийн шинжилгээ өгөх шаардлагатай гэж зөвлөжээ.
