Украины Ерөнхийлөгч Владимир Зеленский НҮБ-ын Аюулгүйн Зөвлөлд үг хэлснийхээ дараа дэлхийн хэд хэдэн улсын парламентын хуралдаанд цахимаар оролцож, үг хэлээд байна. Тэрээр Австрали, Япон, Өмнөд Солонгосын парламентад үг хэлж, Оросын түрэмгийллийг сөрөн зогсоход дэмжлэг үзүүлж буйд талархаж байгаагаа илэрхийлсэн юм.  

Тэгвэл одоо Монгол Улсын парламентын ээлж ирснийг Ерөнхийлөгч асан Ц.Элбэгдорж өөрийн цахим хуудсанаа жиргэжээ.

Тэрээр "Зеленский Японы бас Өмнөд Солонгосын парламентад үг хэллээ. Азийн ардчилсан улс манай ээлж ирж байна. Украины Ерөнхийлөгчийг урьж, УИХ-д үг хэлүүлэх санал гаргаж байна. Ардчилсан, нэр хүндтэй бараг бүх парламентад үг хэлсэн. Аль ч талаас нь бодсон Монголын эрх ашигт нийцнэ. Эрх чөлөөт, нээлттэй гэж Монголын нэр дэлхийд гарна. Г.Занданшатар аа урилгаа бичээрэй. Дэмжлэг хэрэгтэй бол бэлэн" хэмээн жиргэжээ.