Нийслэлийн удирдах ажилтнуудын шуурхай зөвлөгөөн өнөөдөр боллоо.
Энэ үеэр Улаанбаатар хотын Захирагчийн ажлын албаны дарга Д.Ганболд махны үнэ болон нөөцний талаар мэдээлэл өглөө.
Тэрээр "Улаанбаатар хотын хэмжээнд 12.6 мянган тонн махыг 23 байгууллага нөөцөлсөн. Мөн нөөцийн махыг 463 цэгээр худалдаалж байгаа. Нийт 23 байгууллагын төлөөлөлтэй уулзаж, үнэ буулгах санал гаргасан. Нийслэлийн хувьд үнэд нөлөөлөх боломжгүй, ХХААХҮЯ үнийг тогтоодог" гэлээ.
Нийслэлд гуравдугаар сарын 25-ны өдрөөс эхлэн нөөцийн махыг худалдаанд гаргаж эхэлсэн бөгөөд үхрийн ястай мах килограмм нь 8,900 төгрөг, хонины ястай мах килограмм нь 8,300 төгрөг, ямааны мах килограмм нь 7,100 төгрөгөөр есөн дүүргийн 463 хүнсний дэлгүүрээр худалдаалагдаж байгаа юм.
