Өнөөдөр 09:20 цагт "Хөсөг Трейд" ХХК руу явах замд Хьюндай Аэро Сити маркийн зорчигч тээврийн автобус Тоёота Камри маркийн машины араас мөргөж улмаар эсрэг урсгалд орон Хьюндай Старекс маркийн машиныг мөргөж хүний амь нас хохирсон ноцтой осол гарчээ.

Ослын газарт аврах ажиллагаа явагдаж, цагдаагийн байгууллагаас үзлэг хийж шалгалтын ажиллагааг эхлүүлжээ.

Иргэд, жолооч та бүхэн тээврийн хэрэгслийнхээ бүрэн бүтэн байдлыг шалгаж өөрсдийн болон бусдын аюулгүй байдлыг хангаж анхаарал болгоомжтой хөдөлгөөнд оролцохыг Цагдаагийн байгууллагаас анхааруулж байна.