Улаанбаатар хотын авто замын түгжрэлийг бууруулах чиглэлээр иргэдийн дунд 2021 оны есдүгээр сард судалгаа хийгджээ.
Уг судалгаанд "Ачилтын төлбөр 100,000 төгрөг болоход жолооч нарын 73 хувь нь дуртай газраа машинаа байрлуулахгүй болно гэж үзэж байна" гэсэн нь олны шүүмжлэлийг дагуулж эхлэв.
Энэ талаар Хотын даргын хэвлэлийн төлөөлөгч Н.Сугар "Засгийн газраас нийслэл хотын авто замын түгжрэлийг бууруулах бүх боломжийг судалж үзээд ямар үр дүн гарахыг харах үүрэг өгсөн. Энэ дагуу судалгаанууд хийж байгаа. Судалгааны бодит байдлыг харах гэж оролдож байгаа. Ачилтын төлбөрийн тухайд судалгааны түвшинд байна. Түүнээс төлбөрийг нэмэх шийдвэр гараагүй. Асуудлыг жижиг ч гэхгүй судалж үзэх нь чухал байна" хэмээлээ.
Одоогийн байдлаар машинаа ачуулсан жолооч 60,000 төгрөгийн торгууль төлж буй юм.
Улаанбаатар хотын авто замын түгжрэлийг бууруулах чиглэлээр хийгдсэн судалгааг танилцуулж байна.
