Монгол улсаас Австрали улс дахь ЭСЯ-ны Элчин зөвлөхөөр ажиллаж байгаа, УИХ-ын гишүүн асан Ж.Батзандан Ерөнхий сайд Л.Оюун-Эрдэнэд хандан ил захидал илгээжээ.
Тэрээр "2020 оны сонгуулийн дараа тухайн үеийн Ерөнхийлөгч, Ерөнхий сайд Та бүхэн намайг Австрали улс руу томилж, Ардчилал өндөр хөгжсөн улс орнуудын туршлагыг судалж ир хэмээн илгээсэн билээ. Иймээс миний бие энэ нутагт ирж бүтэн нэг жил орчим судалгааны ажил хийж, номын дуу сонслоо... гээд "Засгаас өгсөн үүрэг даалгавар, судалгааны ажлаа хийж дуусгасан тул эх орондоо удахгүй очно" гэдгээ мэдэгджээ.
Ил захидлын төгсгөлд "Тэртээ 2018, 2019 оны хөхөө өвлийн хүйтэнд яагаад олон мянган иргэд таван гишүүнийг дэмжиж Сүхбаатарын талбай дээр цуглаж байсныг, тэнд хэн, юу ярьж байсныг сануулахаар, мэдсэн, судалсан зүйлээ хэрэгжүүлэхээр Монголдоо очно" гэжээ.
