Өнөөдөр болох зарим үйл явдлын товыг хүргэж байна.

09:00 цагт: Шинэ цагийн шинжлэх ухааны ууган байгууллага Судар бичгийн хүрээлэн, Хэл зохиолын хүрээлэнгийн 100 жилийн ойн хүндэтгэлийн хуралдаан “Diamond” танхимд болно. Утас: 80204691

10:00 цагт: Улсын Их хурал дахь Ардчилсан намын бүлэг “Их эзэн Чингис хаан” танхимд хуралдана.

11:00 цагт: Монголын амлалт нэхэх эмэгтэйчүүдийн холбооноос 2022 оныг Хүүхдийн эрхийг хамгаалах жил болгохыг уриалж хэвлэлийн хурал хийнэ.

11:30 цагт: “Богд Зонхов койн” гаргах талаар “Цахим цагийн хүрд” компаниас мэдээлэл хийнэ.

11:40 цагт: Богд хааны ордон музей Үндэсний эрх чөлөөний хувьсгалын 110 жилийн ойд зориулан “Хорин нэгэн Дара эхийн чуулган” тусгай үзэсгэлэнг үзэгчдийн хүсэлтээр дахин толилуулахаар боллоо. Тус үзэсгэлэнгийн нээлт морин цагт Богд хааны ордон музейн Өвлийн ордонд болно.

12:00 цагт: Үндэсний эрх чөлөөний хувьсгалын 110 жилийн ойд зориулан “Эрх чөлөө” эрдэм шинжилгээний хурал болно.