Энэ сарын 18-нд эх орондоо ирж, Сонгдо эмнэлэгт хэвтэн, эмчилгээгээ үргэлжлүүлж байсан Улсын өсөх идэр начин Э.Энхбат таалал төгсчээ.
Улсын өсөх идэр начин Э.Энхбат олимпын аварга Н.Түвшинбаярт зодуулсны улмаас тархиндаа хүнд гэмтэл авч, ГССҮТ-ийн Эрчимт эмчилгээний тасагт олон хоног ухаангүй эмчлүүлсэн. Түүнд эмч нар хоёр ч удаа унтуулгатай мэс засал хийсэн ч бие нь дээрдэхгүй байсаар түүний эхнэр, дүү нь БНСУ руу эмчлүүлэхээр авч явсан билээ. Тэрээр найман сар гаруй эмчлүүлж, ухаан орохгүй байсаар ийн бурхны оронд одлоо.
Түүний гэр бүл, төрөл төрөгсөд, найз нөхдөд гүн эмгэнэл илэрхийлье.
