Хөдөлмөрийн баатар Найдангийн Түвшинбаярын өнгөрсөн Дөрөвдүгээр сарын 2-ны өдөр өөрийн багийн найз Улсын өсөх идэр начин Э.Энхбатын биед хүнд гэмтэл учруулсан хэрэг гарсан. Түүнд холбогдох хэргийн урьдчилсан хэлэлцүүлэг шүүх хурлыг Хан-Уул дүүргийн Эрүүгийн хэргийн анхан шатны шүүх дээр энэ сарын 23-ны 14.00 цагт хийхээр товлогдоод буй:
Тэгвэл, Улсын начин Э.Энхбатын биед ноцтой гэмтэл учруулсан олимпийн аварга Н.Түвшинбаярыг цагдан хорьжээ.
Тодруулбал, хохирогчийн өмгөөлөгч болон прокурорын зүгээс Н.Түвшинбаярыг цагдан хорих саналыг шүүхэд хүргүүлсний дагуу түүнд таслан сэргийлэх арга хэмжээ авсныг өөрчилж, цагдан хорих шийдвэрийг шүүх гаргасан байна.
Өнгөрсөн найман сар гаруйн хугацаанд Н.Түвшинбаярт хилийн хориг тавьж, хэргийг нь шалгаж байсан бол хохирогч Э.Энхбат БНСУ-д эмчлүүлж байгаад гурван хоногийн өмнөөс “Сонгдо” эмнэлэгт хэвтэн эмчлүүлж байгаа билээ.
