Нийслэлийн зүгээс Улаанбаатар хотын иргэддээ зориулан Төв талбайдаа сүлд мод засдаг билээ. Уламжлал ёсоор өнөөдөр орой 18:00 цагт сүлд модний гэрлийг асаахаар болсон байна.
Өнгөрсөн жил цар тахлын улмаас шинэ жилийн баяраа нийтээр тэмдэглээгүй өнжсөн. Харин энэ жил вакцинжуулалтыг эрчимтэй явуулж байгаагийн зэрэгцээ халдварын тохиолдол буурч байгаа.
Нийслэлийн зүгээс насанд хүрсэн иргэдийн 50 хувь нь коронавирусийн эсрэг вакцины нэмэлт буюу гурав дахь тунг хийлгэвэл Гамшгаас хамгаалах өндөржүүлсэн бэлэн байдлын зэргийг бууруулж, шар түвшинд шилжүүлж, ААН-үүд цагийн хязгаарлалтгүй үйл ажиллагаагаа явуулах юм.
Өчигдрийн байдлаар зорилтот бүлгийн иргэдийн вакцины нэмэлт тунг хийлгэсэн иргэдийн тоо хүн амын 43 хувьд хүрсэн байна.
