Өмнөд Солонгос улсын дунд сургуульд сурдаг 13 настай монгол охиныг доод ангийн дөрвөн эмэгтэй сурагч нийлж зургаан цагийн турш хүлж байгаад зодсон ноцтой хэрэг гарсан талаар тус улсын хэвлэл мэдээллийн хэрэгслүүд мэдээлж байна.
Тэгвэл уг асуудлаар Хүний эрхийн төлөө тэмцэгч, “Далд хүн” хүний эрхийн байгууллагын үүсгэн байгуулагч Б.Ууганбаяр олон нийт, хүний эрхийн байгууллагууд болон төрийн байгууллагууд нэгдэж, дорвитой хариу арга хэмжээ авахыг уриаллаа.
Тэрээр “Монгол Улс нь өөрөө хүнийхээ үнэ цэнийг байхгүй болгочихсон учраас гадны улсууд хүртэл дээрэлхэж байна.
Солонгос эмэгтэйн өгзгөнд хүрсэн гэж бөөн юм болж байсан бол монгол нялх охин хүчирхийлүүлж байхад бид арга хэмжээ авах хэрэгтэй. БНСУ-д үйл ажиллагаа явуулж буй хүний эрхийн байгууллагатай хамтарч ажиллана. Монгол Улсын Засгийн газар, Гадаад харилцааны яам энэ асуудал дээр анхаарлаа хандуулна уу” гэсэн байна.
