АНУ ба Канадын хэсэг эрдэмтэд Дэлхийн нянгийн  “ургийн  модны” анхны зургийг  бүтээлээ. Үүний тулд тэд  нянгийн ДНК-ийг  тогтоосон микробиологийн 60 судалгааг  нэгтгэн дүгнэжээ.

Чулуужсан нянгийн үлдэгдэл маш ховор  олддог. Тиймээс дэлхийн нянгийн ландшафтыг бүтээхэд хүндрэлтэй. Саяхан Өмнөд Африкаас 3,22 тэрбум  жилийн өмнө дэлхийд амьдрал байсныг гэрчлэх олдвор илэрсэн байв. “Нянгийн ДНК ба РНК-ны судалгаа ба тооны ухаан  бидэнд нянгийн ургийн модны дутсан хэсгийг бөглөх, тэдний олон төрөл болон мөхлийн зураглалыг үзэх боломжийг өглөө” хэмээн Британийн Колумбийн их сургуулийн (Канад) эрдэмтэн Стилианос Лука (Stilianos Louca) ярив. Эрдэмтэд дэлхийн нянгийн эгнээг

1,4 - 1,9 сая гэж үзэж байна. Үүнийхээ зэрэгцээ сүүлийн сая жилийн дотор нэг биш удаа нянгууд мөхөлтэй тулгарч иржээ.

Эрдэмтдийн үнэлгээгээр, тэд 45-95 мянган удаа мөхөлтэй тулгарч байжээ. Орчин үеийн нян нь дэлхийн түүхэнд үзсэн  нянгийн олон янзын төрлийн нэг өчүүхэн хэсэг ажээ. Гэхдээ судалгаагаар нян нь амьдралын том хэлбэрийг мөхөөсөн бөөний мөхлөөс зугтаж чаддаг байсныг харуулжээ.

М.Цогт