#NoDoubleStandard хөдөлгөөний зохицуулагч Э.Одбаяр хорих 461 дүгээр ангид өлсгөлөн зарлаад 20 гаруй хонож байна. Хорих ангийн ерөнхий эмчийн зүгээс "Байдал нэлээд хүнд тал руу орлоо. Өлсгөлөнөө зогсоо" гэж хэлэхийг ар гэрийнхнээс нь хүссэн талаар бид мэдээлсэн билээ.
Тэгвэл УИХ-ын гишүүн асан С.Эрдэнэ 461 дүгээр цагдан хорих ангид очиж, хүүгээ эргэжээ.
Тэрээр өөрийн цахим хуудаснаа "Хорих 461-дээр очиж хүүтэйгээ уулзахад сэтгэл үнэхээр хүнд байсан! Хүү маань аав та хэн нэгнээс ямар нэгэн зүйл бүү гуйгаарай энэ миний өөрийн маань сонгосон зам би тэмцлийнхээ эцэс хүртэл явах болно гэсэн! Түүний үг надад хатуу хүнд байсан ч би хүүгээрээ бахархах сэтгэл төрсөн.." хэмээжээ.
Э.Одбаярын хувьд өөрийг нь хийгээгүй хэрэгт холбогдуулан шалгаж, өмгөөлөгчгүйгээр байцааж, цагдан хорьж байгаа хуулийн ялгамжтай байдлыг эсэргүүцэж өлсгөлөн зарласан юм.
