Улаанбаатар хотод өнөөдөр явуулын 36 баг, суурин 36 цэгт 81 багийн 307 эмч, ажилтан ажиллаж, 4148 иргэнийг дархлаажуулахаар төлөвлөсөн байна.

Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-17:00 цагийн хооронд ажиллана.

Аравдугаар сарын 25-ны өдөр нийслэлийн хэмжээнд I тунд 85, II тунд 206, нэмэлт сэргээх тунд 2176, нийт 2467 иргэнийг дархлаажууллаа. Вакцинжуулалт эхэлснээс хойш нийслэлийн нийт хүн амын I тунгийн хамралт 74.6 хувь, II тунгийн хамралт 71.2 хувь, нэмэлт тунгийн хамрагдалт 19.4 хувь байна.

Иргэн та дархлаажуулалтын бүрэн болон нэмэлт тундаа хамрагдсан ч халдвар хамгааллын дэглэмээ сайтар сахихыг зөвлөж байна.

Үүнд:

• Амны хаалтаа тогтмол зүүх;

• Хүн хоорондын зай барих;

• Гар угаах, халдваргүйжүүлэх;

• Байнгын агааржуулалт хийх;

• Олон хүнтэй уулзалтад оролцохгүй байх;

Дархлаажуулалтын цэгийг дүүрэг тус бүрээр нь танилцуулж байна.