Өнөөдөр Ардчилсан хөдөлгөөний удирдагч, төр нийгмийн нэрт зүтгэлтэн Санжаасүрэнгийн Зоригийн бусдын гарт амь насаа алдсан өдөр. Санжаасүрэнгийн Зориг нь 1998 оны Аравдугаар сарын 2-ны өдөр бусдын гарт онц хэрцгийгээр амь насаа алдсан юм.

Гэтэл өчигдөр энэ хэргийн яллагдагч Т.Чимгээ "Цэнзүргүй яриа" нэвтрүүлэгт оролцох үеэрээ уг хэргийн захиалагч нь Э.Бат-Үүл байж магадгүй, Б.Содномдаржаа бид хоёр холбогдолгүй хэмээн ярив. Мөн тэрээр Ц.Амгаланбаатар энэ хэргийг өөр бусадтай хамт үйлдчихээд Б.Содномдаржаа бид хоёрыг хамаатуулсан байж магадгүй гэж ярив. 

Энэ нэвтрүүлэг иргэдийг багагүй бухимдуулж байна. Учир нь төр нийгмийн нэрт зүтгэлтэн Санжаасүрэнгийн Зоригийн бусдын гарт амь насаа алдсан энэ өдөртэй нь давхцуулж яллагдагчыг өргөн нэвтрүүлгээр гаргаж буй нь ямар ч ёс зүйгүй, талийгаачид хүндэтгэлгүй хандсан үйлдэл болов. 

Энэ талаар хуульч Б.Мэргэн "Ц.Нямдоржийн талынхан буюу С, Ч, тэдний өмгөөлөгчид Ж.Батзандан, Лу.Болд гээд юу хүссэнээ хязгаарлалтгүй ярьж болно, энэ талаар цагдаа, тагнуулд гомдол гаргаад шалгахгүй. Мань мэт ганц үг ганхийвэл шууд хэргийн нууц задалсан гээд гэмт хэрэгтэн болно. Надад хэрэг үүсгэж үзсэн" гэсэн байна.

Харин Нийслэлийн АН-ын дарга Э.Бат-үүл ""Тэнгэрийн оронд ахуй" Зориг маань, өөрийг нь хөнөөгөөд, анд нөхрийг нь холбогдуулан бузар гүтгэлэгээр "цовдолсоор" буйг хараад ямар их шаналж байгаа бол? Гэхдээ найз нь тэснэ ээ! Хүмүүсийн эрх чөлөөний төлөө зүтгэгчид цовдлуулах үйлтэй гэдгийг чи бид хоёр анхнаасаа мэдэж тэмцсээн!" хэмээжээ.