Төр, нийгмийн нэрт зүтгэлтэн, БНМАУ-ын маршал Юмжаагийн Цэдэнбал агсны мэндэлсний 105 жилийн ой өнөөдөр тохиож байна.
Энэхүү ойг тохиолдуулан Ерөнхий сайд Л.Оюун-Эрдэнэ, Хотын даргаД.Сумъяабазар тэргүүтэй төр засгийн удирдлагууд Ю.Цэдэнбалын хөшөөнд хүндэтгэл үзүүлж, цэцэг өргөлөө.
Хүндэтгэлийн ёслолын үеэр Эрдэм судлалын төв Ю.Цэдэнбал академийн дэд ерөнхийлөгч Т.Жаргалсайхан хэлсэн үгэндээ “Манай академи Монголын төрийг 44 жилийн турш удирдсан гарамгай удирдагч, маршал Ю.Цэдэнбалын ажил, амьдрал, түүхэн гавьяаг мөнхжүүлсэн ном, зохиол, бүтээл туурвил олныг хэвлүүлсэн. Тун удахгүй гэрэл зургийн альбом, шүлэг, дууны түүвэр гаргахаар бэлэн болгоод байна. Цаашид Ю.Цэдэнбалын гэр музейг байгуулахаар зорьж буй юм” хэмээн онцоллоо.
