Есдүгээр сарын 13-22-ны хооронд “Томуугаас сэргийлье” уриан дор дархлаажуулалтын 10 хоногийг зохион байгуулж байна. Энэ хүрээнд улирлын томуугийн эсрэг вакцинаар нийслэлийн хэмжээнд зорилтот бүлгийн буюу 2-11 насны 161.700 хүүхэд, 10.520 жирэмсэн эмэгтэй зэрэг нийт 172.220 иргэнийг дархлаажуулахаар төлөвлөөд буй.

Есдүгээр сарын 15-ны байдлаар хоёр настай 487, 3-5 настай 10.422, 6-11 настай 11.104 хүүхэд, мөн жирэмсэн эмэгтэй 37 /0.4%/ буюу нийт 22.050 /12.8%/ иргэнийг дархлаажуулсан байна.

Улирлын томуугийн дархлаажуулалтыг Өрхийн эрүүл мэндийн төв болон тосгоны Эрүүл мэндийн төв, ерөнхий боловсролын сургууль, цэцэрлэгүүдэд хийж байгаа. Түүнчлэн улирлын томуугийн вакцинд хамрагдах хүсэлтэй жирэмсэн эмэгтэйчүүд болон гэрийн асаргаанд байгаа 2-3 насны хүүхдүүдийг харьяа Өрхийн эрүүл мэндийн төв,  тосгоны Эрүүл мэндийн төвд дархлаажуулах юм.

Дашрамд, энэ жил БНСУ-д үйлдвэрлэсэн томуугийн вакцинаар дархлаажуулалтыг хийж байна.