Ипотекийн зээл, хувь лизингээр олгох шинэ орон сууцнуудыг танилцуулна

2021/09/09

Өнөөдөр болох зарим үйл явдлын товыг хүргэж байна.

09:00 цагт: Нийслэлд анх удаа “Жижиг, дунд үйлдвэр, үйлчилгээ эрхлэгчдийн хөгжлийн төв”-ийг байгуулсан. Тус төвийн нээлтэд Нийслэлийн Засаг дарга бөгөөд Улаанбаатар хотын захирагч Д.Сумъяабазар оролцоно.

09:00 цагт: Швейцарын хөгжлийн агентлаг өнөөдөр болон маргааш Монголын бэлчээрийн IV форум болон “Ногоон алт - Малын эрүүл мэнд” төслийн хаалтын ажиллагааг виртуалаар зохион байгуулна. Цахим форумд www.responsiblenomads.mn цахим хуудсаар оролцох боломжтой. Утас: 99109723, 99296029

10:00 цагт: Монголын боксын холбооноос хэвлэлийн хурал хийнэ.

10:00 цагт: Гэр хорооллын газрыг дахин төлөвлөн барилгажуулах төсөл хэрэгжүүлэгч “Бүргэд” компани Баянзүрх дүүргийн 12 дугаар хорооны А хэсэгчилсэн талбайд 225 айлын орон сууц ашиглалтад оруулах нээлтийн үйл ажиллагаа Чулуун овооны тойргийн урд болно. Утас: 88069097

11:00 цагт: НМХГ-аас олгож буй импортын мэдэгдэл, экспортын гэрчилгээ олголт, дээж авалт болон цаг үеийн хяналт шалгалтын талаар мэдээлнэ. Утас: 94263361

11:00 цагт: Цар тахлын хүнд цаг үед Төрийн болон орон нутгийн өмчит, аж ахуйн нэгж, байгууллагын ажилтнууд туйлдаж байгаа асуудлаар Засгийн газарт шаардлага хүргүүлэхээр болжээ. Энэ талаар дээрх чиглэлийн ажилтны төлөөллүүд мэдээлэл өгнө. Утас: 99027019

11:30 цагт: “Ковид-19” цар тахлын нөлөөнд өртсөн экспортын үйл ажиллагаанд оролцогч ААН, компаниуд Засгийн газарт шаардлага хүргүүлж мэдэгдэл хийнэ.

12:00 цагт: IHC койныг анхдагч зах зээлд гарахад буюу IEO хийхэд Койн-Хаб биржийн системийн үйл ажиллагаанаас болж хохирсон хэрэглэгчид мэдээлэл хийнэ.

12:00 цагт: Ипотекийн зээлээр олгох шинэ орон сууцнуудыг танилцуулна. Орон сууцны эрэлт эрс нэмэгддэг энэ цаг үед ипотек, хувь лизингээр олгогдож буй шинэ орон сууцны төслүүдийг танилцуулдаг "Barilga expo - 2021" үзэсгэлэн нээлтээ хийнэ.

14:00 цагт “Эрүүл мэндийн салбар хөгжил хөтөлбөр-5’’ төслийн хүрээнд УГТЭ-ийн Эрчимт эмчилгээ, мэдрэлийн мэс заслын тусламж үйлчилгээний чадавхыг дээшлүүлэхэд нэн шаардлагатай орчин үеийн багаж хэрэгслийг хүлээлгэн өгөх арга хэмжээ болно. Арга хэмжээнд Эрүүл мэндийн сайд М.Энхболд, АХБ-ны удирдлагууд болон УГТЭ-ийн албаныхан оролцоно. Утас: 99124102

iСанал болгох

Мотоциклтой осол гарч, жолооч гэмтсэн хэргийг шалгаж байна

Парламентын шударга байдал, ёс зүйн дүрмийн талаар хэлэлцүүлэг боллоо

Эрүүл мэндийн үйлчилгээний чанар, хүртээмжийг сайжруулах хэлэлцүүлэг эхэллээ

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.