Гэрлэх ёслолын ордон Ес, Аравдугаар сарын хуримын захиалгуудаа цуцалж байгаагаа мэдэгдлээ.

Нийслэлийн Онцгой комиссын Шуурхай штабаас коронавируст халдварын тархалттай холбоотойгоор Гэрлэх ёслолын ордны үйл ажиллагаа явуулах хүсэлтийг тодорхойгүй хугацаагаар зөвшөөрөөгүй тул ийнхүү үйл ажиллагаагаа зогсоож байгаагаа мэдэгдэж байна.

Мэдэгдэлд, дээрх саруудад гэрлэх ёслолоо хийхээр захиалга өгсөн байсан хосуудыг холбогдохыг хүсэж, уучлалт хүсэж байгаагаа илэрхийлсэн байна.

Энэ сард нийт 100 орчим хос гэрлэлтээ батлуулахаар захиалга өгсөн байжээ.

Дашрамд дурдахад, тус ордонд жилд 900-1000 хос гэрлэлтээ батлуулдаг ч өнгөрсөн жилээс уг тоо буурч эхэлсэн байна.

Тухайлбал, 2020 онд Гэрлэх ёслолын ордонд 620 орчим хурим болсон нь урьд жилүүдээсээ дунджаар 300-аар буурсан үзүүлэлт гэдгийг Гэрлэх ёслолын ордны Захиргаа хариуцсан менежер Г.Бүжинлхам хэлж байсан юм.