Улаанбаатар хотод өнөөдөр явуулын 8, суурин 35 цэгт 65 багийн 361 эмч, ажилтан ажиллаж, 4,560 иргэнийг дархлаажуулахаар төлөвлөжээ.

Нийслэлийн хэмжээнд өчигдөр коронавирусийн эсрэг вакцины I тунд 802, II тунд 3,692 иргэнийг хамруулсан байна. Вакцинжуулалт эхэлснээс хойш нийслэлийн 18-аас дээш насны иргэдийн 100.9 хувь буюу 962,328 нь I тунд, 88.2 хувь буюу 841,548 нь II тунд хамрагдаад байгаа юм.

Дархлаажуулалтын цэгүүд 09:00-17:00 цагийн хооронд ажиллана.

Дашрамд, дархлаажуулалтын бүрэн тунд хамрагдаад халдвар авсан иргэд байгаа тул иргэн та халдвар хамгааллын дэглэмээ сайтар мөрдөх шаардлагатай байгааг Эрүүл мэндийн байгууллагаас санууллаа. 

Үүнд:

• Амны хаалтаа тогтмол зүүх;

• Хүн хоорондын зай барих;

• Гар угаах, халвдаргүйжүүлэх;

• Байнгын агааржуулалт хийх;

• Олон хүнтэй уулзалтад оролцохгүй байхыг зөвлөлөө.

Дархлаажуулалтын цэгүүдийг дүүрэг тус бүрээр танилцуулж байна.