Монгол улсын Ерөнхийлөгчийн сонгуульд нэр дэвшигч Д.Энхбат коронавирусийн халдвар авсан нь баталгаажсан байна. Мөн түүний эхнэр Д.Оюунцэцэгээс халдвар илэрчээ.
Нэр дэвшигч өчигдөр Булган аймагт уулзалттай байсан боловч уулзалтаа цуцалж яаралтай онгоцоор Улаанбаатарт ирж шинжилгээ өгчээ.
Ирэх Даваа гаригт нэр дэвшигчдийн мэтгэлцээн болно. Одоогоор мэтгэлцээн хойшлох эсэх талаар тодорхой мэдээлэл гараагүй байна.
Харин нэр дэвшигч Д.Энхбат өөрийн твиттер хуудаснаа "Сонгуулийн компанит ажил маань үндсэндээ дууслаа. Одоо ганц мэтгэлцээн" хэмээн жиргэжээ.
Тэрээр сүүлийн өдрүүдэд Дархан, Эрдэнэт хотуудад сонгуулийн сурталчилгааны уулзалт хийсэн юм.
