Дэлхийн бүх цаг үеийн хамгийн шилдэг тоглогчдын нэг, хөлбөмбөгийн домогт тамирчин Диего Марадона зүрхний өвчний улмаас 60 насандаа таалал төгсжээ.

Тэрээр энэ сарын эхээр тархины цусны бүлэгнэл авхуулах мэс засал хийлгэсэн юм. Хагалгаа ч амжилттай болсон гэж мэдээлж байв.

Марадона 1986 онд Мексикт болсон ДАШТ-д Аргентины шигшээ багийн ахлагчаар оролцон түрүүлж түүний оргил үе эхэлсэн юм. Энэ тэмцээний хагас шигшээ тоглолтод тэр “Бурхны гар” хэмээх алдарт гоолоо Английн шигшээ багийн хаалганд хийж байв. Тэрээр Аргентины үндэсний шигшээ багт 91 удаа тоглохдоо 34 гоол хийж, дөрвөн Дэлхийн Аварга Шалгаруулах Тэмцээнд оролцож байжээ.

Харамсалтайн спортын замналынхаа төгсгөл хэсэгт Марадона кокайнд донтож, 1991 онд тэмцээнд оролцох эрхээ 15 сараар хасуулж байв.

Тэрээр 1997 онд 37 настайдаа хөлбөмбөгийн спортоос зодог тайлсан юм.

Дараа нь Марадона 2008-2010 онд Аргентины үндэсний шигшээ багийг дасгалжуулсан ч амжилт гаргаж чадаагүй билээ. Марадона амьдралынхаа сүүлийн жилүүдэд Аргентин, Арабын Нэгдсэн Эмират, Мексик улсын клубүүдийг дасгалжуулж байжээ.

Дэлхийн хөлбөмбөгийн одод Диего Марадонад хүндэтгэл үзүүлсээр байна.