Энэ сард дэлхийн уран зохиолд “Салхинд туугдагчдыг” бэлэглэсэн алдарт Маргарет Митчелл төрсний 120 жилийн ой болжээ.

Үүнтэй холбоотойгоор MyBook номын захиалгын сайт сэдэв нь сэтгэл догдлуулсан долоон сонирхолтой туульсийг танилцуулсныг одоо та бүхэнд хүргэе.

Маргарет Митчелл. "Салхинд туугдагчид. 1-р боть"

Зохиогчдоо Пулицерийн шагнал авчирсан энэ романаа Маргарет Митчелл хийх юмгүй гиюүрч суухдаа бичиж эхэлжээ. Хамгийн сүүлчийн өгүүлбэрээр “Маргааш шинэ өдөр эхлэнэ” гэж номоо нэрлэсэн байв. Өөрийн роман тульсдаа Маргарет ихээхэн шийдэмгий Скарлетт О`Хара гэдэг үзэсгэлэнт эмэгтэйн тухай бичээд зогсолгүй АНУ-ын Иргэний дайны үеийн уур  амьсгал ба болж буй хэрэг явдал тэр цагийн хүмүүсийн сэтгэл зүрх, гэр оронд хэрхэн тусч байсныг дэлгэрэнгүйгээр өгүүлжээ. Номоор хийгдсэн уран сайхны кино нь “Оскарын” шагналуудаар шагнагдсан байгаа.

Элена Ферранте. "Миний суут найз хүүхэн"

Дайны дараах Неаполь хотын ядуусийн хороолол. Тэнд Лена, Лила хоёр хүүхэд ахуй нас залуу үеэ өнгөрөөдөг. Тэд огт өөр өөр хүмүүс ч ядуурлаас хэрхэн мултрах вэ гэсэн чин санааны мөрөөдөлтэй найз бүсгүйчүүд юм. Цаг хугацаа өнгөрч тэд өөр өөрийнхөө амьдралыг өөрчлөх аргаа олно. Энэ ном нь дэлхий даяар алдартай болсон Элена Феррантегийн дөрвөлийн эхний боть нь юм. Энэ зохиолоор олон ангит кино хийгджээ.

Жон Голсуорси. "Форсайтынхны тухай туульс"

Английн үргэлжилсэн үгийн ба жүжгийн зохиогч Жон Голсуорси хөрөнгөтөн айл Форсайтын гэр бүлийн гурван үеийн тухай дэлгэрэнгүйгээр, сэтгэлд хоногшохоор буулган бичжээ. Сэдвийн зарим чиглэлийг тэр өөрийн амьдралаас авчээ. Энэ бүтээлээр авсан Нобелийн шагналын мөнгөө тэр өөрийн үүсгэн байгуулсан "Зохиогчид ба яруу найрагчид" сэтгүүлч нарыг нэгтгэх олон улсын байгууллагад өгсөн байдаг. Энэ цувралаар олон удаа кино хийж байлаа.

Алексей Толстой. "Зовлон туулсан нь.  1-р боть. Эгч дүү хоёр"

1917 оны хувьсгалын өмнөх ба дараах үйл явдлын үеийн орос сэхээтнүүдийн хувь заяаны тухай өгүүлдэг гурвал романы эхний ном нь энэ юм. Алексей Толстой генерал Денекины засгийн газрын суртал ухуулгын газар ажиллаж байсан учир тэр цагийн үйл явдал, баатруудын дүр, цаг үеийн уур амьсгалыг маш тодорхой гаргасан байдаг. Энэ номондоо тэр Сталины шагнал авч мөнгөөр нь “Грозный” гэсэн танк босгуулан Улаан армид бэлэглэж байв. Романаар хэд хэдэн кино бүтээгджээ.

Дина Рубина. "Орос канар бялзуухай. Желтухин"

"Орос канар бялзуухай" гурвалын эхний ном. Хоёр ертөнц, хоёр гэр бүл, хоёр хот. Одесса хотын сэтгэлийн хөөрөлтэй хөгжимчид Этингер гэгчид, Канар бялзуухайд дуртай Алма-Атын тайван амгалан сэтгэлийн тэнхээтэй Каблуковынхан. Тэднийг ер бусын, нууцлаг баатар Желтухин л холбоно. Хайр сэтгэл, гэр бүлийн нууц, хувь тавиланг өөрчлөх үйл явдлуудын тухай ихээхэн оргилуун бүтээл юм.

Элизабет Джейн Говард. "Казалеттийн гэр бүлийн он дарааллын бичлэг"

Английн зохиогч эмэгтэй бөгөөд загвар өмсөгч, жүжигчин Элизабет Жейн Говард Казалеттийн том гэр бүлийн амьдралын тухай цувралыг бичжээ. Романд дэлхийн үйл явдлууд олон тооны баатруудын улс төр, нийгмийн санаа бодолд нь хэрхэн нөлөөлөн тэднийг өөрчилж байгаа тухай өгүүлнэ. Гэр бүлийн нууц, дуулиан, тааламжтай орой, мэдээж дурлал тэднийг аварч тэмцэлд нь хурцалж өгдөг.

Колин Маккалоу. "Үүргэний бутан дахь дуулагчид"

Австралийн төөнөсөн наран дор амьдралын хүнд хэцүүг зүрх зоригтойгоор даван туулж байгаа баатруудтай роман дэлхийн 20 хэлнээ хөрвүүлэгдэн зохиогчийг нь дэлхийд алдаршуулж өгчээ. Дараахан нь номоор хийгдсэн олон ангит кино олон тооны шагнал авчирсан ч зохиогч эмэгтэй түүнийг нь сэтгэл дундуур хүлээн авсан юм. Романы гол сэдэв нь Мэгги Клири ба санваартан Ральф де Брикассар хоёрын хориотой дурлал нь уншигчдыг сэтгэл дундуур үлдээхгүй.

М.ЦОГТ