Зүрх тасралтгүй ажиллаж, амьдралыг дэмждэг хамгийн чухал булчин боловч бусад булчингууд шиг амархан ядардаггүй. Үүний учир нь зүрхний бүтэц, энерги үйлдвэрлэл, цусан хангамж, мэдрэлийн зохицуулалттай шууд холбоотой.

Энгийн булчингууд хүчилтөрөгч дутагдах, энерги болох АТФ дуусах, эсвэл булчингийн уураг дахь исэлдэлт дутуу явагдах үед ядардаг. Үүнээс гадна булчинд дохио өгдөг мэдрэлийн төгсгөлүүдийн идэвх буурах үед хөдөлгөөн сулрана. Харин зүрх үүнээс өөрөөр ажилладаг.

Зүрхний булчингийн эсүүд маш олон митохондритой, өөрөөр хэлбэл АТФ буюу энерги ихээр үйлдвэрлэх чадвартай. Мөн зүрх рүү үргэлж тогтвортой хүчилтөрөгчтэй цус очдог учраас энергийн дутагдалд ордоггүй. Бас нэг онцлог нь зүрх мэдрэлийн дохио хүлээж ажилладаггүй — өөрөө өөрийгөө өдөөдөг, өөрийн хэмээр цохилдог.

Өөрөөр хэлбэл,

• Энерги үйлдвэрлэл өндөр: Зүрхний эсүүд АТФ ихээр үйлдвэрлэнэ.

• Цусны урсгал тасралтгүй: Хүчилтөрөгч дутагдахгүй.

• Автомат хэмтэй: Мэдрэлийн хариу үйлдлээс үл хамааран цохилно.

Ийм бүтэц, зохицуулалтын ачаар зүрх ядарч амардаггүй, тасралтгүй ажиллаж чаддаг юм.

Эх сурвалж: doctor.rambler.ru, Sebastian Kahnert/dpa via Legion Media