Өнөөдөр Олон улсын Энхийг сахиулагчдын өдөр тохиож байна. НҮБ-ын Ерөнхий ассамблейгаас 2002 оны тавдугаар сарын 29-нийг Олон улсын Энхийг сахиулагчдын өдөр (International Day of United Nations Peacekeepers) болгон зарласан түүхтэй.
Энэ өдөр дэлхийн халуун цэгүүдэд энхийг сахиулах хүндтэй үүрэг гүйцэтгэж байгаа хүмүүсийн эр зоригийг бахдах учиртай.
”Жилд энхийг дэмжих үйл ажиллагаанд албан үүрэг гүйцэтгэж яваад 100 гаруй энхийг дэмжигч амь насаа алддаг гэсэн тоо баримт байдаг хэдий боловч олон улсын энх тайван, аюулгүй байдлын төлөө тэдний хийж бүтээсэн үйл хэрэг нь дэлхийн зуу зуугаар тоологдох сая хүмүүсийн зүрх сэтгэлд үүрд үлдэн мөнхжиж байдаг юм”
Энэ өдөр Дэлхийн хамтын нийгэмлэгийн энхийг сахиулагчид анхны үйл ажиллагаагаа явуулж байжээ.
НҮБ-ын гишүүн 124 гаруй орны цэрэг, цагдаагийн болон энгийн 113 мянга орчим албан хаагч дэлхийн 4 тивийн 20 гаруй улсад явагдаж буй 16 энхийг дэмжих ажиллагаанд хүний эрхийг хамгаалах, улс хоорондын мөргөлдөөнийг хянан зохицуулах, хүмүүнлэгийн тусламж дэмжлэг үзүүлэх зорилгоор үүрэг гүйцэтгэж байна.
Эвлэрэлийн нөхцлийг хэрхэн биелүүлж буйг ажиглах гэж НҮБ-ын байгууллага энхийг сахиулагчид Палестинд анхны ажиллагаагаа эхэлсэн байв. Түүнийг 1948 оны тавдугаар сарын 29-нд эхлүүлжээ.
Энэ жил НҮБ-ын “Энхийг сахиулагчдын олон улсын өдөр”-ийг “Энгийн иргэдийг хамгаалах, энхийг хамгаалах” гэсэн уриан дор зохион байгуулахаар НҮБ-аас уриалж байгаа юм.
Олон улсын энхийг сахиулагчдыг өдрийг тохиолдуулан үе, үеийн цэнхэр дуулгатнууддаа баярын мэнд хүргэж, ажил үйлсийн өндөр амжилтыг хүсэн ерөөе.
