Тойрог замын "Тянгүн" станцад ажиллаж байгаа “Шэнжөү-21” жолоодлогот хөлгийн багийнхан жингүйдлийн орчинд хүний тархи хэрхэн ажилладгийг судлах зэрэг хэд хэдэн туршилт судалгаа хийжээ.
Багийн гишүүн Жан Лу, У Фэй, Жан Хунжан нар урт хугацааны сансрын нислэг нь хүний сэтгэл зүй, бие махбодод хэрхэн нөлөөлдгийг судалжээ. Тухайлбал, тэд жингүйдлийн орчин тархины үйл ажиллагаанд хэрхэн нөлөөлдгийг ойлгохын тулд тархины үйл ажиллагааг шалгах, мэдрэлийн эмгэгийг оношилж эмчлэхэд ашигладаг төхөөрөмжийг ашиглан багийн гишүүдийн танин мэдэхүйн үйл ажиллагаа, сэтгэл хөдлөлийг хэмжин мэдээлэл цуглуулжээ.
Мөн жингүйдлийн үед хүний тархи физик ертөнцийг хэрхэн хүлээн авч байгааг судалжээ. Багийнхан өөрсдийн бие организмын хариу үйлдлийг хянахын тулд бодисын солилцооны шинжилгээнд зориулсан Раманы спектрометр зэрэг дэвшилтэт технологийг ашигласан байна.
“Шэнжөү-21” сансрын жолоодлогот хөлгийг Хятадын баруун хойд нутгийн Жючюань сансрын хөлгийн буудлаас 2025 оны 10 дугаар сарын 31-нд хөөргөжээ. Хөлгийн багийнхан гүйцэтгэх даалгаврынхаа хүрээнд 12 дугаар сарын 9-нд анхны удаа задгай сансарт гарчээ.
Эх сурвалж: Xinhua
