Өнөөдөр нутгийн төв хэсгээр багавтар үүлтэй, бусад нутгаар солигдмол үүлтэй байх бөгөөд Алтай, Хангай, Хөвсгөлийн уулархаг бүс, мөн Идэр, Тэс голын сав газраар бороо, дуу цахилгаантай аадар орно гэж цаг уурын байгууллага мэдээллээ.

Салхи баруун нутгаар баруун өмнөөс, бусад нутгаар баруунаас секундэд таван арваас арав орчим метрийн хурдтай салхилж, зарим газарт борооны өмнө түр зуур ширүүсэх төлөвтэй байна. Хангай, Хөвсгөл, Хэнтийн уулархаг бүс нутаг болон Завхан голын эх, Идэрийн хөндий орчимд агаарын температур арван зургаан хорин нэгэн градус, говийн бүс нутаг болон Орхон-Сэлэнгийн сав газраар хорин зургаан гучин нэгэн градус, бусад нутгаар хорин нэг хорин зургаан градус дулаан байна. Мөн энэ сарын хорин зургаанд нутгийн хойд хэсгээр, хорин долоо, хорин наймны өдрүүдэд зарим нутгаар дахин бороо орж, сэрүүсэх төлөвтэй байна.

Эх сурвалж: Ус, цаг уур, орчны судалгаа мэдээллийн хүрээлэн