Энэ улирлын “Формула-1” ангиллын автомашины уралдааны ДАШТ-ий Зохион бүтээгчдийн цомыг хүртэх болзлыг Германы “Мерседес” баг Гран-При уралдаанууд дуусахаас өмнө хангалаа.
Өнгөрсөн амралтын өдрүүдэд явагдсан Бразилын Гран-При уралдаанд “Мерседес” багийн британи уралдаанч Жорж Рассел 4 дүгээр байраар барианд орсон бол түүний багийн анд Италийн тамирчин Кими Антонелли 5 дугаарт орсон байна. Антонелли нийлбэр дүнгээр улирал дуусахаас өмнө дэлхийн аваргаар шалгарав.
Зохион бүтээгчдийн цом бол тухайн улиралд багийн хоёр нисгэгчийн цуглуулсан нийлбэр оноогоор хамгийн шилдэг зохион бүтээгч (автомашин үйлдвэрлэгч, баг)-ийг шалгаруулан олгодог нэр хүндтэй шагнал бөгөөд 1958 оноос хойш олгож байгаа юм.
Одоогийн байдлаар “Мерседес” баг 652 оноотой болоод байгаа бол удаад нь 512 оноотой “Феррари” явж байна. ДАШТ дуусахад гурван Гран-При уралдаан үлдээд байгаа бөгөөд үлдсэн хугацаанд уралдаанчид дээд тал нь 129 оноо авах боломжтой.
Өмнө нь “Мерседес” баг Зохион бүтээгчдийн цомыг 2014-2021 онуудад хүртэж байв. Уг шагналыг тус бүр 9 удаа хүртсэн "Мерседес" ба “Уильямс” багууд 3 дугаарт бичигдэж байгаа бол “Феррари” 16 удаа, ”Макларен” 10 удаа хүртжээ.
“Формула-1” уралдааны дараагийн Гран-При 11 дүгээр сарын 19-21-нд Лас-Вегаст болно.
ТАСС
