2026 оны 11 дүгээр сарын 9-15-нд болох үйл явдлын тоймыг хүргэж байна. 

Улаанбаатарт:

11 дүгээр сарын 9-нд: Их Монгол Улс байгуулагдсаны 820 жил, Их Засаг хуулийн 820 жилийн түүхэн ойг тохиолдуулан Монгол Улсын Их Хурлын даргын ивээл дор “Их засаг ба Хууль засаглахуй” сэдэвт эрдэм шинжилгээний хурлыг  Төрийн ордонд зохион байгуулна.

11 дүгээр сарын 9-нд: УИХ дахь намуудын бүлэг хуралдана.

11 дүгээр сарын 9-нд: ЮНЕСКО-гийн “Нүүдлийн соёл иргэншлийн түүх” цуврал боть бүтээх ажлын шинжээчдийн зөвлөлдөх уулзалт ГХЯ-нд болно.

11 дүгээр сарын 10-нд: Их Эзэн Чингис хааны мэндэлсний 864 жилийн ой, “Монгол бахархлын өдөр” билгийн тооллын өвлийн тэргүүн сарын шинийн нэгэн.

11 дүгээр сарын 10-нд: Монгол Улсын Ерөнхийлөгчийн санаачилгаар уламжлал болгон зохион байгуулдаг "Мөнх тэнгэрийн бичиг-2026" монгол уран бичлэгийн олон улсын үзэсгэлэнгийн нээлт, шагнал гардуулах ёслол Монголын Хүүхдийн урлан бүтээх төвийн "Орд" үзэсгэлэнгийн танхимд болно.

11 дүгээр сарын 10-нд: УИХ-ын хүндэтгэлийн хуралдаан болно.

11 дүгээр сарын 10-17-нд: Монголын орчин үеийн утга зохиолыг үндэслэгч, их зохиолч Дашдоржийн Нацагдоржийн мэндэлсний 120 жилийн ойг тохиолдуулан “Д.Нацагдоржийн өвөөр аялах долоо хоног” Улаанбаатар хотын нийтийн номын санд болно.

11 дүгээр сарын 10-нд: Энх тайван, хөгжлийн төлөөх дэлхийн шинжлэх ухааны өдөр.

11 дүгээр сарын 10, 11-нд: УИХ дахь Байнгын хороодын хуралдаан болно.

11 дүгээр сарын 11-нд: “Монгол бахархал-Монгол бичиг” Монгол бичгийн уран бүтээлийн үзэсгэлэн Байгалийн шинжлэх ухааны үндэсний музейн түр үзэсгэлэнгийн танхимд нийтийн хүртээл болно.

11 дүгээр сарын 11-нд: “Норсон зүрх” мюзикл UG Palace-д болно.

11 дүгээр сарын 11-12-нд “үзэл бодлоо илэрхийлэх эрх чөлөө, мэдээлэл авах эрхийг эрх зүйн мэдлэг, олон талт яриа хэлэлцээрээр бэхжүүлэх нь” сэдэвт сургалт, дугуй ширээний ярилцлага хэвлэлийн хүрээлэнд болно.