Пакистанд хүчтэй аадар бороо үргэлжилсээр байгаа бөгөөд сүүлийн 24 цагийн хугацаанд 46 хүн амиа алджээ. Ингэснээр өнгөрсөн пүрэв гаргаас хойш амь үрэгдсэн хүний тоо 393, харин энэ жилийн борооны улирал эхэлснээс хойш нийт 706-д хүрсэн талаар тус улсын Байгалийн гамшгийн уршгийг арилгах газар мэдээлсэн байна.
Амиа алдсан хүмүүсийн олонх нь байшингийн дээвэр нурж дарагдсанаас, зарим нь үер, хөрсний нуралт, аянганд цохиулснаас болж нас баржээ. Хамгийн олон хохирол Хайбер Пахтунхва мужид бүртгэгдэж, нийт 427 хүн амь үрэгдсэн байна.
Зургаадугаар сарын 26-наас хойш борооны улмаас 2934 гаруй байшин барилга эвдэрч сүйдсэнээс гадна 1108 толгой мал хорогдсон, 451 км зам, 152 гүүр эвдэрсэн тухай тайланд дурджээ. Хайбер Пахтунхва болон Пакистаны хяналтад байдаг Кашмир мужид хамгийн их хохирол учирсан байна.
Эрх баригчид ойрын өдрүүдэд аадар бороо үргэлжлэхийг анхааруулж, гамшигт өртөх эрсдэлтэй бүс нутгийн иргэдийг урьдчилан сэргийлэх арга хэмжээ авахыг уриалжээ.
Эх сурвалж: Xinhua
Сэтгэгдэл (1)