Япончууд 1945 оны наймдугаар сарын 15-нд эх орон нь бууж өгснийг олон нийтэд зарласан өдрийг жил бүр дурсдаг бөгөөд энэ жил дайны төгсгөлөөс хойш 80 жил өнгөрч байна. Токио хотноо болсон Дайнд амь үрэгдэгсдийн дурсгалыг хүндэтгэх үндэсний ёслолд 4000 гаруй хүн оролцож, үд дундын үед нэг минут дуугүй зогсов. Амиа алдсан 2.3 сая хүн нь Японы армийн цэргүүд болон бусад албан хаагчид, мөн 800 мянга орчим нь энгийн иргэд байжээ.

Эзэн хаан Нарүхито, хатан Масако нар ёслолд оролцож, нас барагсдын төлөө залбирлаа. Эзэн хаан үг хэлэхдээ, дайны үеийн болон дайны дараах зовлон зүдгүүрийн түүхийг хойч үедээ дамжуулж, энх тайван, ард түмний аз жаргалыг эрхэмлэхийн чухлыг онцлов. Ерөнхий сайд Шигэрү Ишиба ч мөн дайны гашуун сургамжийг мартахгүй байхыг уриалж, ирээдүйд ийм эмгэнэлт үйл явдлыг давтах ёсгүй гэдгийг тэмдэглэлээ.

Ёслолд оролцсон хүмүүсийн дийлэнх нь 80-аас дээш насныхан байсан бол зарим нь 18 нас хүрээгүй залуучууд байв. Энэ нь дайны сургамжийг ирээдүй хойчдоо өвлүүлэн үлдээхэд чухал ач холбогдолтой гэж зохион байгуулагчид үзэж байна.

Эх сурвалж: NHK