Улаанбаатарт болох үйл явдал:

• 5 дугаар сарын 12-нд:

  • Монгол Улсын Ерөнхийлөгчийн ивээл дор “Сувилагч тандаа баярлалаа-2025” зөвлөгөөн Төрийн ордонд болно.

  • Олон улсын сувилагчдын өдөр тохиож байна.

  • УИХ дахь МАН, АН-ын бүлгийн хуралдаан болно.

• 5 дугаар сарын 14-нд:

  • Засгийн газрын ээлжит хуралдаан Төрийн ордонд болно.

• 5 дугаар сарын 15-нд:

  • Гэр бүлийн өдөр тохиож байна.

  • "BEST OF KHUSUGTUN" пянзны нээлтийн тоглолт УДБЭТ-ын тайзнаа болно.

• 5 дугаар сарын 15, 16-нд:

  • УИХ-ын чуулганы нэгдсэн хуралдаан Төрийн ордонд болно.

• 5 дугаар сарын 16-нд:

  • Нийслэлийн Засаг дарга бөгөөд Улаанбаатар хотын Захирагчийн ивээл дор “Гэгээн муза-18” театрын наадам эхэлнэ.

• 5 дугаар сарын 16-18-нд:

  • Монгол Улсын хамгийн том аялал жуулчлалын үзэсгэлэнг 11 дэх удаагаа зохион байгуулна.

  • 37 дахь удаагийн Номын баяр төв талбайд болно.

• 5 дугаар сарын 17-нд:

  • Үндэсний бичиг, соёл, номын өдрүүд болж байна.

Үргэлжилж буй үзэсгэлэн, арга хэмжээнүүд:

• “Үндэсний бичиг-өв соёл” тусгай үзэсгэлэн Монголын Үндэсний музейд тавдугаар сарын 12-ныг хүртэл гарна.

• “Археологийн олдворт нуугдсан урлаг” үзэсгэлэн Г.Занабазарын нэрэмжит Дүрслэх урлагийн музейд тавдугаар сарын 20-ныг хүртэл үргэлжилнэ.

• Яармаг дахь “IC Park”-т ойжуулалт, цэцэрлэгжүүлэлтийн “Модлог гарден экспо” үзэсгэлэн-худалдаа зургаадугаар сарын дуустал үргэлжилж байна.

Орон нутагт болох үйл явдал:

• 5 дугаар сарын 13-нд: Завхан аймагт “Тарьц суулгацын үзэсгэлэн худалдаа-2025” болно.

• 5 дугаар сарын 14-нд: Завхан аймгийн Улиастай суманд Үндэсний бичиг, соёлыг таниулах номын баяр тусгай хөтөлбөрөөр зохион байгуулагдана.

• 5 дугаар сарын 16-18-нд: Завхан аймагт өсвөр үеийн үндэсний бөхийн аймгийн аварга шалгаруулах тэмцээн Баруун бүсийн тамирчдыг олимпод бэлтгэх төвд болно.

• 5 дугаар сарын 18-нд: Завхан аймгийн Улиастай суманд “Завхан даян” бөхийн дэвжээний нээлтэд зориулсан улс, аймаг, сумын цолтой бөхчүүдийн барилдаан болно.

• Сэлэнгэ аймгийн Нийтийн номын сангаас Үндэсний бичиг, соёл номын өдрүүдийг угтан бүх насны иргэдийн дунд мийм бүтээх цахим уралдаан зарласан бөгөөд энэ сарын 20-ныг хүртэл үргэлжилж байна.

Хилийн чанадад болох үйл явдал:

• 5 дугаар сарын 6-16-нд: АНЭУ-ын Аль-Айн хотод шатрын насанд хүрэгчдийн Ази тивийн аварга шалгаруулах тэмцээн болж, Монголын шатарчид оролцож байна.

• Япон Улсын Осака Кансайд үргэлжилж буй “Дэлхийн экспо-2025”-д Монгол Улсаас 10 гаруй компани оролцож байна.

• Чехийн Үндэсний музейд “Чингис хаан” олон улсын үзэсгэлэн зургаадугаар сарын 22-ныг хүртэл олон нийтэд дэлгэгдэж байна.