Японы хувийн “ispace” компанийн бүтээсэн буугч аппарат “Resilience” Сарны тойрог замд амжилттай оржээ. Тус компани өнөө өглөө албан ёсоор мэдэгдэл гаргаж, Саран дээр буух хүртэлх хугацааг тоолохоор болж буйгаа зарлалаа. “Resilience” нь Сарны хөрснөөс дээж цуглуулж, шинжлэх ухааны туршилт хийх зориулалттай бичил аппараттай юм.
“Resilience” аппаратыг энэ оны нэгдүгээр сард АНУ-ын “Firefly Aerospace” компанийн төхөөрөмжтэй хамт SpaceX компанийн пуужингаар хөөргөсөн. Үүний дараа “Firefly” гуравдугаар сард сансрын хөлгөө Сарны гадарга дээр амжилттай газардуулж, хувийн компаниудаас Сар руу төхөөрөмж газардсан анхны тохиолдол боллоо. Харин “Intuitive Machines” компанийн буулгасан төхөөрөмж дараалан амжилттай буусан ч Сарны тогоон дотор хажуулдан унасан байна.
Харин одоо Японы “ispace” компани зургаадугаар сарын эхээр “Resilience”-ийг Сарны гадарга дээр зөөлөн буулгах төлөвлөгөөгөө хэрэгжүүлэх шатандаа орсон байна. Тус компанийн 2023 онд хийсэн эхний буух оролдлого нь амжилтгүй болсон ч энэ удаад туршлага, техник технологийн хувьд ахиц гаргаснаа тэд онцолжээ.
Хэрэв “Resilience” төхөөрөмж амжилттай буувал Японы хувийн сектор анх удаа Сарны гадарга дээр төхөөрөмжөө газардсан түүхэн амжилт болох юм.
Эх сурвалж: AP
