Кино, уран зөгнөлт бүтээлүүд дээр гардаг шиг халуун магмагаар дүүрсэн галт уулын тогоонд аюултай хаягдлыг шидээд, устгаж болно гэж олон хүн төсөөлдөг. Гэвч бодит байдал дээр энэ санаа шинжлэх ухааны хувьд огт тохиромжгүй, бүр аюул дагуулах эрсдэлтэй.

Юуны өмнө, идэвхтэй галт уулын тогоо гэдэг нь үргэлж магмагаар дүүрсэн халуун нуур байдаггүй. Хамгийн түгээмэл төрлийн галт уулуудын тогооны ёроол нь хатуу чулуулгаар бүрхэгдсэн, магма нь гүний даралтат танхимд хадгалагддаг. Энэ танхимд ямар нэг зүйл шидэх эсвэл өрөмдөж хүрэх оролдлого хийхэд галт уулыг тэсэлж магадгүй.

Түүнчлэн магмагийн температур (ойролцоогоор 1000-1200°C) нь зарим цацраг идэвхт бодисын хайлах температураас өндөр байж болох ч, цацраг идэвхт хаягдал зөвхөн уран биш. Тэдгээр нь олон төрлийн элемент агуулдаг бөгөөд тэдгээрийн зарим нь шатаж, ууршин агаар мандалд тархаж, дэлхийн хүрээлэн буй орчинд ноцтой хохирол учруулж болзошгүй.

Цацраг идэвхт бодисыг магма руу шидэхэд үүсэх осол, дэлбэрэлтийн аюул, түүнчлэн уурших хий, хяналтгүй тархалт, дараа дараагийн галт уулын дэлбэрэлтээр дахин гадарга руу цацагдах магадлал нь энэ аргыг туйлын эрсдэлтэй болгож байна.

Иймд судлаачид, мэргэжилтнүүдийн зүгээс:

• Цацраг идэвхт хаягдлыг магма руу хаях санаа нь устгал биш,

• Харин ч хор хөнөөлийг нэмэгдүүлж болзошгүй туршигдаагүй, хэт эрсдэлтэй арга гэж дүгнэдэг.

Товчхондоо: галт уулын хайлмагт хаялаа гээд цацраг идэвхт хаягдал "устахгүй", харин ч хяналтаас гарч, байгаль орчинд эргэж ирэх аюултай.

Эх сурвалж: MIHA REKAR / UNSPLASH, Vokrugsveta.ru.