Европын цөмийн судалгааны байгууллага (CERN) 91 км урт “Future Circular Collider” (Ирээдүйн тойрог хурдасгуур) байгуулах төслийг хэрэгжүүлэхэд техникийн саад бэрхшээлгүй болохыг мэдэгдлээ. Энэхүү хурдасгуур нь 2012 онд Хигссийн бозоныг нээсэн Адроны их хурдасгуураас хоёр дахин урт байх юм.
Шинэ хурдасгуур нь 2041 он гэхэд ашиглалтаас гарах одоогийн хурдасгуурыг орлохоор төлөвлөгдөж буй бөгөөд материйн бүтэц, Орчлонгийн хувьсал, суурь харилцан үйлчлэлийн талаарх судалгаанд шинэ гарц нээх зорилготой.
Төслийн өртөг 17 тэрбум ам.доллар гэж тооцоолсон бөгөөд энэ нь хэт өндөр өртөгтэй, байгаль орчинд сөрөг нөлөөтэй хэмээн нутгийн иргэд, зарим эрдэмтдийн эсэргүүцэлтэй тулгарч байна. Хурдасгуурыг барих эцсийн шийдвэрийг 2028 оноос өмнө гаргах ёстой.
CERN нь Франц, Швейцарын хил орчмын бүсэд байрлах, өндөр эрчимт физикийн дэлхий дээрх хамгийн том судалгааны төв бөгөөд 23 Европын улс болон Израиль санхүүжүүлж, олон улсын эрдэмтэд хамтран ажилладаг.
Эх сурвалж: AFP.
