Төв, Дундговь, Дорноговь аймгийн өвөлжилт хүндэрсэн сумдад автомашинуудыг өнөөдөр хүлээлгэж өглөө.

Шадар сайд С.Амарсайхан:

-"Өнөөдрийн байдлаар улсын хэмжээнд 266 суманд зудтай байна. Зудын нөлөөлөлд автсан 117,000 малчин өрх байгаа бол 3.3 сая орчим мал хорогдсон. Цаашид зудын нөхцөл үргэлжлэхээр байна. Энэ хүнд цаг үед малчдад эрүүл мэнд, нийгмийн үйлчилгээг шуурхай хүргэхэд шаардлагатай арга хэмжээг хэрэгжүүлж байна.

Аймаг, сумдын удирдлагуудын зүгээс автомашинтай холбоотой асуудлаар хамгийн их санал ирдэг. Хэрэглээ даадаггүй, хэврэг УАЗ, Фургон зэрэг автомашинууд нийлүүлэгддэг. Жил хүрэхгүй хугацаанд яваад, тараад унадаг байна.

Аймаг, сумдад бүхий л салбарт аюулгүй ажиллагааг хангахтай холбоотой стандартыг мөрдүүлж, автомашин, барилга, дэд бүтэц, сургууль, эмнэлэг зэрэг бүх салбарт стандарт шаардлага хангасан үйлчилгээг иргэд ч авдаг төр нь хүргэдэг байх юм. Ингэснээр аюулгүй байдлын эрсдэл багасаж, аюул, осол, гамшигт үзэгдлийг даван туулах чадавх нэмэгддэг" хэмээн ярилаа.