Өчигдөр Пакистаны Пешавар хотын өндөр хамгаалалттай хэсэг дэх лалын сүмд амиа золиослогч бөмбөг дэлбэлсэн байна. Энэхүү халдлага нь Пакистан дахь сүүлийн хэдэн сарын хамгийн аймшигт халдлагад тооцогдов. Халдлагын улмаас амиа алдагсдын тоо 59-д хүрсэн ба цаашид гэмтлийн улмаас нас барах хүний тоо нэмэгдэж магадгүй юм. Наад зах нь 157 хүн шархадсан байна.
Дэлбэрэлт хойд мужийн нийслэл Пешавар хотод харьцангуй тайван байсан үеийг эвджээ. Өчигдрийн халдлагын хариуцлагыг аль ч бүлэглэл хүлээгээгүй байна. Пакистаны талибууд хүчээ авснаар Афганистаны хилийн ойролцоо хүчирхийлэл нэмэгдэж байгаа. Гэхдээ л тэдний бүлэг өчигдөр халдлагад үүрэг гүйцэтгэсэн гэдгээ үгүйсгэж байна.
Сүүлийн үед баруун хойд зүгт болсон халдлага нь цагдаа, цэргийн бай руу чиглэж байгаа. Дэлбэрэлт засгийн газрын болон цэргийн чухал байр бүхий өндөр хамгаалалттай “Цагдаагийн шугам” бүсэд болсон байна.
Олон офицерууд сүмд байнга ирдэг байна.
2014 онд Талибаны дайчид Пешавар дахь сургуульд халдаж, 150 багш, сурагчийн аминд хүрсэн. Энэхүү аллага нь тус улсын хамгийн цочирдмоор үйл явдал бөгөөд улс даяар цочролын давалгаа үүсгэж, тухайн үед олон хүнийг дайчдын эсрэг эргүүлсэн юм.
Одоо үүсээд байгаа нөхцөл байдлын тухайд Пешавар дахь сүүлчийн террорист халдлагаас хойш 11 сар орчим болж байна. Мөн тэр цагт лалын сүмд амиа золиослогч бөмбөг дэлбэлж, 60 гаруй хүн амь үрэгджээ. Тухайн халдлагад "Исламын улс"-ын бүс нутгийн салбар болох "Хорасан Исламын улс" буюу ISIS-K хариуцлагыг хүлээсэн байдаг.
Б.Бүжлхамаа
