Коронавируст халдварын нөхцөл байдлын талаар мэдээллээ. 

ХӨСҮТ-ийн Тандалт, судалгааны албаны дарга А.Амбасэлмаа "Нэгдүгээр сарын 25-ны өдөр улсын хэмжээнд 12039 хүнд коронавирусийн халдвар илрүүлэх шинжилгээ хийхэд 13 хүнээс халдвар илэрсэн.

Бүгд Улаанбаатар хотод бүртгэгдсэн.

Бүртгэгдсэн тохиолдлуудын 2 нь ХӨСҮТ-ийн эмч, ариутгагч байгаа. Бэлхийн задгай, Дамба орчим буюу СБД-ийн 16 дугаар хороонд байрлах нийтийн байранд нийт 7 тохиолдол бүртгэгдсэн. 7 тохиолдлын эх уурхай тодорхойгүй байсан бөгөөд тандалт судалгааны явцад эх уурхай нь тодорхой болсон. Үсээ засуулсан нэг гэр бүлийн гурван гишүүнээс халдвар илэрсэн.

Бусад тохиолдлууд нь ажиглан тусгаарлах байранд байсан хавьтлуудаас илэрлээ. 

Сүүлийн 24 цагт 42 хүн эдгэрч гэртээ гараад байна.

Улсын хэмжээнд халдварын батлагдсан тохиолдол 1656 болсон бол үүнээс 1211 хүн эдгэрсэн байна. Эмчлэгдэж байгаа 432 хүний биеийн байдлыг үнэлбэл, маш хүнд 1, хүнд 2, хүндэвтэр 45, хөнгөн 384 байгаа" гэлээ.