x

Бүрэн зураглалын талаар сэтгэгдэл

Эрэмбээрээ төрийн хоёрдугаар суудал гэгдэх их хурлын даргын ажил олон нийтийн сонирхол тийм ч их татдаггүй. Тэр ерөнхийлөгч шиг энхийг сахиулагч нартай уулзалдаж, Путин, Ши Жинпин, Трамптай гар барилцахгүй.

Ерөнхий сайд шиг нефтийн үйлдвэр, авто замын тууз хайчилж өрөөндөө хүн дуудаж загнахгүй. Монгол банкны ерөнхийлөгч шиг долларын ханш ярихгүй. Ядаж л хотын дарга шиг гэр хорооллын бүтээн дахин төлөвлөлт ярьж усан оргилуурын хэрүүл хэрүүл хийхгүй. Эд бол сонирхолтой ажил.

Харин эдгээр “сонирхолтой” ажлуудыг “сонирхолтой” байлгах ард талыг нугалж суудаг нь их хурлын дарга. Ард түмний хагас нь лав “Улсын Их Хурал”, “Засгийн газар” гэдэг хоёр үгийг хооронд нь ялгахгүй, “төр засаг” гэдэг ганц үгээр л бүгдийг нийлүүлж ойлгоно. Хууль зүйн олон урт төвөгтэй нэршил ороод ирэхээр бүр сонирхохгүй. Гэхдээ энэ тийм буруу үзэгдэл бишээ, төрийн байгуулалт, хууль дүрмийн нэр томьёоллыг бүгд ойлгох албагүй. Гэхдээ олон нийт Их хурлын дарга хүн яг юу хийж гүйцэтгэх үүрэгтэй байдаг тухай мэдэх ёстой, маш хялбараар ойлгох ёстой. Их хурлын даргын өөрөө хөтөлсөн “Бүрэн зураглал” хөтөлбөрт үүнийг зорьжээ.

Уран зохиол, уран сайхны кинонд “Show, don’t Tell” гэдэг дүрэм бий. “Бүү тооч, үзүүл” гэсэн утгатай. Тоочих нь уйтгартай, үзүүлэх нь сонирхолтой. ТВ хөтөлбөрт ч энэ дүрэм онцгой үйлчилж буйг 100 эрхэм, 100 чухал сэдэв нэвтрүүлгүүд хангалттай харуулж буй.

Тухайлбал “Төрийн албан хаагч бол төрийн дарга биш төрийн үйлчилгээний ажилтан” гэж олон удаа тоочиж хэлэх биш, түүнийгээ жишээгээр үзүүлбэл хүмүүст илүү сонин гэсэн үг. Хүмүүс Их Хурлын даргыг ихэвчлэн зүгээр л өрөөндөө сууж байдаг, эсвэл хурал даргалаад алх тогшоод сууж байдаг хүн гэж ихэвчлэн ойлгодог.

Харин Бүрэн зураглал хөтөлбөрт Их Хурлын дарга өөрөө хөтөлж, өөрөө асуултууд тавьж, өөрөө зочдынхоо өмнө үйлчилж үзүүлж буй нь нэг талаараа энэ шинжийг тодотгожээ. Бид сонин сайхан зүйл харж сонсох гэж, уйдаагаа дарах гэж утсаа шагайдаг. Мэдээж утсанд янз бүрийн мэдээллүүд ирнэ. Нүсэр мэдээллийн дундуур яг албан ёсны, итгэж үнэмшиж болохуйц ямар нэг зүйл байх аяндаа үгүйлэгдэнэ. 

Хүмүүс ном, сонин уншихаа больсон гэдэг нь хүмүүс мэдээлэлд дургүй болчихсон гэсэн үг биш, мэдээллийг илүү хялбар аргаар авахыг л хүсдэг болсон төдий. Энтэртэйнмэнт болон албан хэлбэр хослуулсан “Бүрэн зураглал” хөтөлбөрт ерөнхийлөгч, шашны төлөөлөл, АТГ, УИХ дарга нэг л зүйлийг ярьж байсан нь төрийн албан хаагчийн ёс зүй байв. Бүгдээрээ нэг төрлийн ёс зүйн шахалт үзүүлж буйгаа илэрхийлж байлаа, үүнээс үүдэж Батзориг гишүүн бүрэн эрхээсээ түдгэлзсэн байж ч магадгүй. ЖДҮ –д холбогдсон дараагийн гишүүд ч ээлжээ хүлээж буй. 

Их хурлын даргын нугалсан хамгийн гол ажил нь Үндсэн хуулийн нэмэлт өөрчлөлт. Гэвч Үндсэн хууль гэдэг нь өөрөө бас л ард түмний талаас илүү нь үндсэндээ ойлгодоггүй зүйл. Үндсэн хууль гэж үгийг өдөрт тутам сонсдогоос биш яг ямар агуулга, ямар ач холбогдолтой зүйл вэ гэдгийг төдийлөн мэддэггүй байлаа. “Алганд багтсан эх орон” гэж зүйрлэн хэлсэн Үндсэн хууль гэдэг хорь орчим хуудас текстийг яаж энгийнээр ойлгуулах вэ?

Юуны өмнө Үндсэн хууль хүн бүгдэд хамаатай гэдэгт санал нэгдэх хэрэгтэй. Үүний учраас ч яруу найрагч Ичинхорлоо, Фантастик продакшны залуус, Х.Чойбалсангийн ач охин, Д.Сүхбаатарын дөч хүү, хөгжмийн зохиолч Жанцанноров, улс төрийн төлөөлөл, шашны төлөөллүүд, ой тогтоолтын дэлхийн аварга охид гээд бүх ард түмний төлөөллүүд оролцож тус тусын сонин сонирхолтой сэдэв хөнджээ.

Төрийн сүлд, Төрийн дууллын талаар, “япон” хэмээх Данзангийн тагнуулын ажиллагааны талаар, коронавирусын халдварын талаар хүртэл энгийн байдлаар хуучилцгаана. Зарим нэг нь нэвтрүүлгийн олон янзын зочид харчихаад “Энэ муусайнууд үндсэн хууль ярьдаг юмуу” гэж сошиалд шүүмжилж харагдсан. Үгүй л дээ, харин ч миний бодлоор гудамнаас нэг бөбөчин оруулаад ирэх хэрэгтэй байлаа.

Үндсэн хууль бол зөвхөн костюмтай хэдэн улс төр, нийгмийн зүтгэлтний ярих сэдэв биш, энэ бол бүх хүний ойлгож мэдэх ёстой зүйл юм. Заавал цээжээрээ унших албагүй, утга учир, гол санааг нь харин бүгд ойлгох хэрэгтэй. Энэ ч утгаараа “Бүрэн зураглал” хөтөлбөр үзэгчдэд үндсэн хуулийг энгийн үг хэллэгээр, гол баталсан хүнийх нь хөтлөлтөөр хялбараар ойлгуулчих шиг харагдсан.

Засгийн газар маш олон удаа огцордог. Гэхдээ муу ажилласаны төлөө хэзээ ч огцордоггүй, кнопоо дутуу цуглуулсан нь л огцордог. Энэ ч утгаараа Ерөнхий сайд сайн муу ажиллахдаа гол анхаарлаа хандуулахгүй, кнопоо бүрэн бүтэн байлгахын төлөө л хамаг анхаарлаа тавьдаг. Чуулганы ирц Засгийн газар огцруулах хурал дээр үргэлж 100 хувьтай байна. 4 жилийн турш чуулгандаа ганц хоёрхон удаа суудаг гишүүн ч бий, тэр хоёр суусан нь Засаг эсвэл ямар нэг сайдыг огцруулах хурал байх жишээтэй. Хяналт, шантааж хоёрын хооронд сөөмийн зайтай аж. Одооны хувьд УИХ гишүүд Засгийн газарт хяналт тавих гэхээсээ Засаг дэмжих эсвэл унагах кнопоо л үнэлэхийг зорино.

Ганц ерөнхий сайд биш бусад сайд, агентлагийн дарга нарын томилгоо дээр ч кноп үнэд хүрнэ. Харин Үндсэн хуулийн нэмэлт өөрчлөлтөөр энэ завхралыг үгүй хийжээ. Ерөнхий сайд өөрөө танхимаа бүрдүүлж, Засгийн газрыг огцруулах босгыг ч нэлээд дээшлүүлж. Ингэхээр УИХ гишүүний кноп мөнгөөр үнэлэгдэхээ болино, УИХ гишүүний суудалд мөнгө олох биш жинхэнэ өөрчлөлт хийх гэсэн хүмүүс л зорьж сууна. Засгийн газар УИХ –ын шантаажинд биш хяналтанд ажиллана гэсэн үг. Нэгэнт кноп нь үнэ хүрэхгүй хүмүүс шантааж биш хяналт хийхээс өөр гарцгүй болно. 

Эцэст нь, хамгийн уйтгартай албан тушаалыг ч хамгийн сонирхол татам байдлаар сурталчилж болдог юм байна. Ер нь төрийн алба хаагчид өөрсдийн ажлыг зургаан настай хүүхэд ч ойлгогдохоор тайлбарлаж, тайлагнаж байх ёстой мэт санагдана. Сошиалд дүүрэн хар мэдээлэл, гүтгэлэг урсаж буй энэ цаг үед төрд томоохон алба хашиж буй бүх хүн өөрийн хийж буй ажлыг ойлгомжтой, хүртээмжтэй байдлаар танилцуулж байвал хаана хаанаа хэрэгтэй юм.

Аанхаа /baabar.mn/

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа 2 цаг 51 мин Хуситууд Йемений түр нийслэл Аден хот руу давшиж эхэлжээ 2 цаг 56 мин Оюутны гольфийн ДАШТ-д М. Буян-Эрдэнэ амжилттай оролцлоо 3 цаг 2 мин Монголын мөсөн сийлбэрчид Мадридын тэмцээнд түрүүллээ 3 цаг 8 мин Төв цэнгэлдэх хүрээлэнд “Өвлийн идэш” өргөтгөсөн худалдааг зохион байгуулна 3 цаг 26 мин З.Мэндсайхан: Тэтгэвэр, цалингийн нэмэгдлээр дамжуулан ажлын байрыг хадгалж, нэмэгдүүлэхэд чиглэнэ 3 цаг 32 мин Цаг агаарын аюултай үзэгдлээс сэрэмжлүүлж байна 9 цаг 25 мин Хууль зөрчиж хэрэг буцаасаар байгаа Дээд шүүхийг “байцаах” хүсэлтийг УИХ-ын 70 гишүүн гаргалаа 9 цаг 30 мин Ерөнхий сайд Н.Учрал: Нөөцийн мах бэлтгэн нийлүүлэх тогтолцоог үндсээр нь шинэчилж байна 10 цаг 24 мин Аймгийн заан Ц.Гонгорын нэрэмжит УАШТ-д Р.Омар түрүүллээ 10 цаг 29 мин Энэ 7 хоногт Монгол Улсад 10 цаг 33 мин Ван Гогийн зургийг дуудлага худалдаанаас татахыг шаарджээ 10 цаг 39 мин Монголын театрууд 48 орны 188 байгууллагатай хамтран ажиллах боломж нээгдлээ 10 цаг 43 мин 1926-1930 онд Герман улсад суралцсан монгол залуучуудын боловсрол эзэмшсэн түүхэн нөхцөл байдал 10 цаг 59 мин “Герман, Франц улсад суралцсан анхны эмэгтэйчүүд” үзэсгэлэнг нээнэ 11 цаг 7 мин Гавьяат тамирчин Э.Цэндбаатар 16 дараалан яллаа 11 цаг 10 мин НӨАТ-ын урамшууллын сугалааны тохирол энэ лхагва гаригт болно 11 цаг 17 мин АИ-95 бензин дээр оочергүй байгаа нь ард түмэн мөнгөгүй байна гэсэн үг 11 цаг 22 мин Улаанбаатарт өдөртөө 4 хэм хүйтэн Уржигдар 09 цаг 54 мин Э.Өлзийбаяр: Намын дотоод сонгуулийг МАН-тай нийлж луйвардсан О.Цогтгэрэл АН-ын дарга байх эрхгүй Уржигдар 09 цаг 47 мин
iИх уншсан
С.Бямбадорж: Төрийн тамганы хөшөөг нурааж, АН тугаа тайрч ог... Ж.Шагжийн нэрэмжит олон улсын эрдэм шинжилгээний хурал болно... УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Шинжлэх ухааны академид “Чингис хаан” тэргүүн зэргийн одон г... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв Элсэн манханыг тогтворжуулах, элсний нүүдлийг зогсоохоор ажи... УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Улаанбаатарт өдөртөө 4 хэм хүйтэн Хуулийн төслүүдийн хэлэлцэх эсэх хэлэлцүүлгийг явууллаа “Ерөнхийлөгчтэй, дээр нь эрх барьж байвал нам хагардаг” гэсэ... Баруун болон төвийн аймгуудын ихэнх нутгаар цасан шуурга шуу... Монголын баг тамирчид “Дакар-2026” залуучуудын олимпоос хоёр... Төрийн өмчит компаниудын ногдол ашгийг иргэдэд хүртээх бодло... "Ганц биечүүдийн өдөр”-ийн хямдрал: 11 юаниар 2 өрөө орон су...
Top