x

Коронавирусын халдвар ямар нүүдлийн шувуу юм уу?

АН-ын дарга С.Эрдэнэ “Гадаадаас монголчуудаа оруулж ирэхдээ аюулгүй байдлыг бүрэн хангаж чадахгүй байна. Цар тахлыг импортолж оруулж ирж байгаатай санал нийлэхгүй байна” гэж мэдэгдэв. Мэдээж тусгай үүргийн нислэгээр эх орондоо ирсэн монголчуудын зарим нь коронавирусаар халдварласан нь шинжилгээгээр тогтоогдсоны дараа...

Харин АН-ын ҮБХ-ны гишүүн Б.Чимэддорж “АН-ын даргын хийсэн болчимгүй мэдэгдэл нь Үндсэн хуулийн үзэл санаа, АН-ын үзэл баримтлалын эсрэг байж боломгүй, хүлээн зөвшөөрч болохгүй үйлдэл юм. Энэ мэдэгдлийнхээ төлөө АН дарга С.Эрдэнэ Монголын ард түмнээс уйлчлал гуйх ёстой” гэв.

Энэ бол зөвхөн АН-ын даргын, эсвэл АН-ын ҮБХ-ны гишүүний байр суурь биш. Үндсэндээ монголчуудын хувьд “бүх нийтийн” болоод байгаа ганц сэдэв. Олон нийтийн сүлжээнд ч, хүмүүсийн ярих яриа, харах өнцөг ч энэ хоёр дээр л төвлөрч байна. Яагаад гэвэл гадаадад яваа нь ч, эх орондоо суугаа нь ч аль аль нь амьдрах хүсэлтэй. Бас амьд үлдэхгүй байх вий гэх айдастай.

Өнгөрөгч долоо хоногт Европ тэр чигээрээ коронавируст эзлэгдчихлээ. Улс орнууд хилээ хааж, иргэддээ гэрээсээ гарахгүй байхыг анхааруулж, цэрэг, цагдаагаар хянуулж байна. Италийн Ерөнхий сайд “Манай улс дэлхийн хоёрдугаар дайнаас хойш анх удаагаа ийм хүнд нөхцөлтэй тулж байна” хэмээн мэдэгдэв. Нэг өдрийн дотор /бямба гаригт/ 700 гаруй хүн халдварын улмаас нас барсан байна. Өдрөөс өдөрт тав, арван мянгаар нэмэгдэж байгаа халдварын тохиолдлын талаар бүр ярилт ч үгүй.

Гэтэл энэ улсад оршин суугаа манай 300 гаруй иргэн эх орондоо ирэх хүсэлтээ гаргажээ. Онцгой комиссийнхон шийдвэр гаргаж чадахгүй байна. Эрүүл мэндийн сайд нь харин “Нийтийг хамарсан халдвар гарсан тохиолдолд яаж ч орилж чарлаад эмнэлэгт хэвтүүлж чадахгүй шүү” гэв. Аймшигтай заналхийлэл мөн биз.

Уг нь хорио цээрийн дэглэм эхэлнээс хойшхи хугацаанд монголчууд шиг номхон томоотой ард түмэн алга. Бос гэвэл босоод, хэвт гэвэл хэвтэж байна. Маскаа зүүлээ, гараа угаалаа, гэртээ хоригдлоо, өөр яах ёстой вэ? Одоо тэгээд "үх" гэвэл нь үхэх үү?

Уг нь тэр гадаадаас иргэдээ авчирна гээд байгаа, авчирч болохгүй халдвар тараах гэлээ гээд байгаа хоёрын чинь хооронд зарчмын нэг их ялгаа байхгүй. Нэг хэсэг нь халдварын голомтоос амьд мэнд зугтаж гарах гэж, нөгөө хэсэг нь гэртээ зүв зүгээр сууж байгаад халдвар тусаад үхчихгүй гэж л тэмцээд байгаа юм. Харамсалтай нь аль алинд нь тэр баталгаа алга.

Яагаад гэвэл Монгол Улс нэгэнт халдвартай орны тоонд багтсан. Түүнийгээ өөрсдөө гаднаас "импортлоод" ирсэн нь ч үнэн. Хамгийн гол нь коронавирусыг Монголд эмчилсэн нэг ч тохиолдол гараагүй байна. Монголд байтугай дэлхийд ч энэ вирусын эсрэг батлагдсан эмчилгээ, хамгаалах вакцин гараагүй.

Олон улсын эмч, судлаачдын үзэж буйгаар энэ вирусын тархалт хамгийн багадаа таван сар гэж байгаа. Хятад, Солонгост халдварын тохиолдол бүртгэгдсэнээс хойш хоёр сар гаруй, гурван сарын дараа саяхнаас л "тархалтыг хяналтандаа авч эхэллээ" гэж мэдэгдсэн. Зөвхөн тархалтыг шүү дээ.

Харин Монголд илэрснээс хойш хоёр долоо хоноогүй байхад (франц иргэн Монголд ирсэн нь энэ сарын 2, илэрсэн нь 10-ны өдөр) байхад ХӨСҮТ “Хяналтандаа авлаа” гэж зарлах нь уул үзээгүй хормой шуулаа гэдэг болов. Дахиад гурван сар өнгөрөхөд нөхцөл байдал ямар болохыг тааварлах аргагүй.

Тархалтын голомт Европод шилжлээ гэсэн нь азиудыг өршөөлөө гэсэн үг биш. Нүүдлийн шувуу шиг манай дээгүүр нисээд явчихсан ч юм биш, дэлхийг тэр чигээр нь эзэлж байгаа хэрэг. Үүнийг манай дарга нар ойлгодог юм уу, үгүй юу? Дэлхий сөнөнө гээд лаа, шүдэнд бариад зуслан луугаа зугтаасан хэд шиг Монголдоо авчираад аварчих юм яриад, омогшоод суудаг.

Халдвар тэгсэн тэгээгүй Монголд тархадгаараа тархана. Харин түүнийг удаашруулах уу, улам хурдуулах нь уу? гэдэг л манай төрийнхний шийдэх ёстой асуудал. Халдварын тархалт одоогийнхоос жаахан нэмэгдэхэд л манайх эмнэлэгт хүлээж авах байтугай тусгаарлах байргүй болно. Ирэх бямба гариг хүртэл баахан монголчуудыг хилийн боомтуудаар "хөлөөр нь" оруулж ирнэ. Харин оруулж ирснийхээ дараа яах вэ?

Дахиад гурван сар тэсэх эдийн засгийн хүчин чадал манайд бий юу? Эрүүл мэндийн салбар нь ачааллаа дийлэх үү?

Хятадад анх халдвар гарсны дараа манай эмч, эмнэлгийн байгууллагууд "Халдвар нэгэнт ороод ирсэн тохиолдолд бид дотооддоо барьж дийлэхгүй шүү. Сонор сэрэмжээ л сайжруулья" гэж эхнээс нь хэлж байсан. Гэтэл сонор сэрэмжээ алдсан явдал хэдийн гарч, халдвар тархаад эхэлчихлээ. Одоо тэгээд "усанд унасан хүн борооноос айдаггүй" гээд үүд хаалгаа дэлгээд суух уу? Аль нь манайд эрсдэл багатай тусах вэ?

Үүн дээр л эмч мэргэжилтнүүд нь үгээ хэлж, Онцгой комиссийнхон үүрэг хариуцлагаа хүлээх ёстой. Хилээ хаавал хаасан шиг хаагаад хийх ёстой ажлаа хиймээр байна. Харин бусад нь чимээгүй байг.

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Баатар (202.9.40.147)
    Зѳвѳѳ зѳв
    2020 оны 03 сарын 24 | Хариулах
iРедакцийн сонголт
iШинэ мэдээ
Үсчин, гоо сайхан, маникур үйлчилгээг маргаашнаас нээнэ 2 цаг 50 минутын өмнө Есөн настай дагавар охиноо хөнөөсөн М.Баттулгад 20 жилийн хорих ял оноожээ 5 цаг 33 минутын өмнө Европт масктай холбоотой дүрмээ улам чангарууллаа 5 цаг 39 минутын өмнө Япончууд "Олимп цуцлагдсан" гэх мэдээллийг няцаалаа 5 цаг 58 минутын өмнө Нийслэлийн товчоодоор 1433 тээврийн хэрэгслээр 2796 зорчигч гарчээ 8 цаг 19 минутын өмнө Ерөнхийлөгч Х.Баттулга Авлигын эсрэг хуульд өөрчлөлт оруулах тухай хуульд хэсэгчилсэн хориг тавилаа 8 цаг 27 минутын өмнө Ковидын жилийн тууж 8 цаг 31 минутын өмнө Токиогийн зуны Олимпын наадмыг албан ёсоор цуцаллаа 10 цаг 5 минутын өмнө Зүрхний эмч Б.Болдсайхан гадаадад эмчлүүлэхээр явлаа 11 цаг 49 минутын өмнө Х.Баясгалан: Автомашины худалдан авалтыг холбогдох хуулийн дагуу явуулсан 12 цаг 22 минутын өмнө Ерөнхий сайдад Л.Оюун-Эрдэнийг 100 хувийн саналаар дэмжлээ 12 цаг 38 минутын өмнө Хотын дарга Д.Сумъяабазарыг хариуцлага хүлээж, огцрохыг Хөдөлмөрийн үндэсний нам шаардлаа 12 цаг 47 минутын өмнө У.Хүрэлсүхийн танхимыг явсан шиг нь явуулаарай, МАН-ынхаан! 12 цаг 52 минутын өмнө Т.Доржханд: Ерөнхийлөгч жагсаалыг улс төржүүлсэн нь батлагдвал хариуцлага тооцох болно 13 цаг 24 минутын өмнө У.Хүрэлсүх: Би цаашдаа Монгол төрийнхөө төлөө, шударга ёс, шударга шүүхийн төлөө зүтгэнэ Өчигдөр 16 цаг 44 минутад Баруун аймгуудын нутгаар цас орж, цаашдаа ихэнх нутгаар хүйтэрнэ Өчигдөр 16 цаг 03 минутад Э.Бат-Үүл: У.Хүрэлсүх өөрөө огцрох хүсэлтээ өгч байгаа бол эдийн засаг маш хүнд байдалд орсны дохио! Өчигдөр 15 цаг 49 минутад Р.Амаржаргал: Засгийн газар огцрохгүй ээ, У.Хүрэлсүхийн 2 сайдаа авч үлдэх арга Өчигдөр 15 цаг 41 минутад Зүүн Азийн залуус 2023 онд Улаанбаатар хотноо чуулна Өчигдөр 15 цаг 31 минутад Мэдүүлэг гаргагч албан тушаалтнуудад зориулсан сургалт зохион байгууллаа Өчигдөр 15 цаг 25 минутад
iИх уншсан
З.Мэндсайхан: “Ковид” гэж нэрлээгүй ч энэ өвчин дорнын уламж... Х.Тэмүүжин: Намын даргын өрсөлдөөнөөс хойш суух бодолгүй бай... Ч.Сайханбилэг: Оюутолгойн гэрээг хийсэн хүмүүсийг ойлгох нар... Боловсролын хоцрогдлын бэлэн жишээ, биет олдворууд зогсож үз... Э.Бат-Үүл: У.Хүрэлсүх өөрөө огцрох хүсэлтээ өгч байгаа бол э... Ж.Эрдэнэбатад ял оногдуулсан шүүхийн тогтоолыг Дээд шүүх хүч... Хотын дарга НЭМГ, Нэгдүгээр төрөхийн дарга нарыг “ажлаас чөл... Н.Номтойбаяр хэрхэн буруутгагдсан бэ? У.Хүрэлсүх АТГ-ын даргыг томилоод Г.Занданшатар Өршөөлийн ху... Х.Баттулга: Монгол хүний үнэ цэнийг улам алдагдуулсаар байга... У.Хүрэлсүх: Монгол Улсын Засгийн газраас түүх, өв соёлыг сэр... У.Хүрэлсүх: Би цаашдаа Монгол төрийнхөө төлөө, шударга ёс, ш... Д.Эрдэнэбат, Б.Болор нарт оногдуулсан хорих ялыг хүчингүй бо... У.Хүрэлсүхийн танхимыг явсан шиг нь явуулаарай, МАН-ынхаан! Ерөнхийлөгч Х.Баттулга Оюутолгойн асуудлыг ҮАБЗ-өөр хэлэлцэх... Нью Йоркийн шүүх дээр С.Батболдод холбогдуулсан нэхэмжлэл ба... Р.Амаржаргал: Засгийн газар огцрохгүй ээ, У.Хүрэлсүхийн 2 са... Токиогийн зуны Олимпын наадмыг албан ёсоор цуцаллаа Засгийн газрыг бүрэн бүрэлдэхүүнээр нь огцруулна Эх, хүүхдийн амь нас эмч, сувилагч нарт ч хамаатай
Top