Бизнесийн орчныг сайжруулж, хүнд суртлыг бууруулах зорилгоор Бизнесийн эрх чөлөөний тухай болон Төр, хувийн хэвшлийн хяналтын тухай хуулийн төслүүдийг УИХ-д шуурхай өргөн мэдүүлэхийг Эдийн засаг, хөгжлийн сайд Ж.Энхбаяр үүрэг болголоо.

Өмнөговь аймгийн "Тавантолгой XXXIII" талбайд хийсэн хайгуулын үр дүнд Монгол Улсад анх удаа нүүрсний давхаргын метан хийн нөөцийг тогтоон, албан ёсоор бүртгэж авлаа. Энэ нь дотоодын эрчим хүчний эх үүсвэрийг төрөлжүүлэх, метан хийн аж үйлдвэрийн суурийг тавих түүхэн ач холбогдолтой үйл явдал болж байна.

Улаанбаатар хотын эрчим хүчний хэрэгцээг хангах ДЦС-5 төслийн судалгаа дуусаж, үндсэн тоног төхөөрөмжүүдийг захиалжээ. Уг станц ашиглалтад орсноор 100 мянган өрхийг цахилгаанаар хангаж, эрчим хүчний хараат байдлыг бууруулан эдийн засгийг дэмжих ач холбогдолтой юм.

2025 оноос эхлэн таван жилийн хугацаанд Монгол Улсын өнцөг булан бүрд ажиллаж буй ЕБС-ийн багш нарыг чадавхжуулан хиймэл оюуны 2,500 хүний нөөц бэлтгэх юм. Жил бүр хиймэл оюуны 500 багш бэлтгэх бөгөөд 2026 оны хөтөлбөрийг Голомт банкны дэмжлэгтэйгээр зохион байгууллаа.

Нийгмийн даатгалын байгууллага Капитал болон Чингис хаан банкнаас авах 79.5 тэрбум төгрөгийн өрийг хууль хяналтын байгууллагатай хамтран төлүүлээд байна.

Сэлэнгэ аймгийн Сүхбаатар суманд 148 сая ам.долларын хөрөнгө оруулалтаар 70 МВт-ын хүчин чадалтай дулааны цахилгаан станц баригдаж байна. Уг станцын эхний блокийг ирэх наймдугаар сард эрчим хүчний системд холбохоор төлөвлөжээ.

Голомт банкаар цалингаа авдаг харилцагчдад Si кредит картыг хялбаршуулсан нөхцөлөөр олгох болсон бөгөөд үүнтэй холбогдуулан нийт Si кредит картад үйлчлэх буцаан олголттой урамшууллыг 2026.06.01-2026.06.30-ны хооронд зарлаж байна.

Галлагаа эхлэхтэй зэрэгцэн ЧД-ийн 17, 22 дугаар хорооны нутаг дэвсгэрт оршин суудаг өрхүүдэд туршилтаар эрчим хүчний хэмнэлттэй дулааны насос төхөөрөмжүүдийг суурилуулж, айл өрхүүд одоогоор 7 сарын хугацаанд ашиглаад байна. Хоёр улирал дамнан хэрэгжсэн энэхүү ажлын түүврийн судалгаанд 300 өрхөөс түүврийн аргаар монгол гэрийн бүрэн дулаалгатай 150 өрх 2026 оны 4-р сард хамрагджээ. Үр дүнгийн судалгаагаар 86.2 хувь нь гэрийн доторх агаарын чанар сайжирсан, 89.7 хувь нь утаа, тортог, үнэр багассан, 93.1 хувь нь өдөр тутам гал түлэх, үнс гаргах, нүүрс зөөхөд зарцуулдаг цагийг бууруулсан гэж хариулсан байна.

Дэлхийн Банкны санхүүжилтээр хэрэгжих тээвэр, логистикийг хөгжүүлэх төслийн хүрээнд авто зам, гүүр шинэчлэх болон орон нутгийн нисэх буудлуудыг өргөтгөх талаар Зам, тээврийн сайд Дэлхийн Банкны төлөөлөлтэй уулзаж ярилцлаа.

УИХ-ын дарга С.Бямбацогт баялаг бүтээгчид болон хувийн хэвшлийн төлөөлөлтэй уулзаж, хөрөнгө оруулалтын орчныг сайжруулах, татварын шинэчлэл хийх талаар хэлэлцлээ. Тэрбээр төрийн оролцоог бууруулж, бизнес эрхлэх таатай орчныг бүрдүүлэхэд анхаарч ажиллахаа илэрхийлэв.

Засгийн газрын хуралдаанаар “Эрдэнэс Монгол” нэгдлийг Үндэсний баялгийн сангийн чиг үүрэгт шилжүүлж, олон улсын жишигт нийцсэн санхүүгийн институт болгон өөрчлөх шийдвэр гаргалаа. Ингэснээр үр ашиггүй компаниудыг татан буулгаж, 67.3 тэрбум төгрөгийн зардал хэмнэхээр тооцоолжээ.

Барилгын салбарын даатгалын тогтолцоог шинэчлэх, шимтгэлийн хувь хэмжээг уян хатан болгох асуудлаар төр, хувийн хэвшлийн төлөөллүүд санал солилцлоо. Оролцогчид олон улсын жишгийг нутагшуулж, дундын мэдээллийн нэгдсэн сан бүрдүүлэх шаардлагатайг онцолсон байна.

2026 оны эхний улирлын байдлаар банкны салбар 2.54 их наяд төгрөгийн ногоон зээл олгосон нь нийт зээлийн 5.7 хувийг эзэлж байна. Монголбанкнаас 2030 он гэхэд ногоон зээлийн хэмжээг 10 хувьд хүргэх зорилт тавин, зээлийн нөхцөлийг хөнгөвчлөх арга хэмжээ авч байна.

Тун удахгүй болох “Хүүхдийн баяр”-аар бяцхан үрс, дүү нартаа ямар бэлэг бэлэглэхээ сонгож амжаагүй байгаа бол анхаарлаа нааш нь хандуулаарай. Голомт банкнаас хүүхдийн баярт зориулан бүх төрлийн картад үйлчлэх “Happy Children’s Day” урамшууллыг зарлалаа.

"Улаанбаатар төмөр зам" ХНН гадагшаа урсдаг байсан валютыг дотооддоо үлдээх зорилгоор Цахилгаан машины цехийг шинээр байгуулан ашиглалтад орууллаа. Ингэснээр зүтгүүрийн цахилгаан хөдөлгүүрийг дотооддоо засварлаж, жилд дунджаар 8 тэрбум төгрөг хэмнэх боломж бүрдэж байна.