Нийслэлийн Засаг дарга бөгөөд Улаанбаатар хотын захирагч С.Батболд ӨМӨЗО-ны Хөх хотод хийж буй айлчлалынхаа хүрээнд тус орны Аялал жуулчлал хөгжлийн хорооны дарга Жэн И Пинтой уулзлаа. Уулзалтын хүрээнд хоёр орон аялал жуулчлалын чиглэлээр хамтран ажиллах талаар санал солилцлоо. ӨМӨЗО-ны Аялал жуулчлалын хөгжлийн хорооны дарга Жэн И Пин хэлэхдээ "Та бүхнийг хүрэлцэн ирсэнд баяртай байна. Энэ айлчлалын хүрээнд бидний аялал жуулчлалын салбарт хийгдэх олон ажлын түлхэц болно гэдэгт итгэлтэй байна" хэллээ гэж нийслэлийн ЗДТГ-ын Хэвлэл мэдээлэл олон нийттэй харилцах хэлтсээс мэдээллээ.