Худалдаа, хөгжлийн банк, Япон улсын Чиба банк болон Табиризүмү ХХК нар хамтран зохион байгуулж буй “Монгол – Япон”-ы бизнес эрхлэгчдийг танилцуулах өдөрлөгт Та бүхнийг урьж байна.
Энэхүү өдөрлөгт хүрэлцэн ирснээр Японы хүнс үйлдвэрлэл, худалдаа, фирмийн аж ахуй, супермаркет, мэдээллийн технологи, үл хөдлөх хөрөнгө, гоо сайхны бүтээгдэхүүний худалдаа, менежментийн зөвлөх үйлчилгээ болон нягтлан бодох бүртгэл зэрэг үйл ажиллагаа эрхэлдэг Япон компаниудтай мэдээлэл солилцох, бизнесийн харилцаагаа өргөжүүлэх боломжтой болох юм.
Өдөрлөг 2019 оны 06-р сарын 05-ны өдөр 10:00-16:00 цагийн хооронд Чингис зочид буудалд зохион байгуулагдана. Мөн дэлгэрэнгүй мэдээллийг +976-11-319943 утсаар лавлах боломжтой.
Өдөрлөгийг дэмжигч байгууллагаар Худалдаа, хөгжлийн банк, Япон улсын Чиба мужийн Худалдаа, аж үйлдвэрийн танхим, Мүсашино банк, JICA болон Монгол Японы хүний нөөцийг хөгжүүлэх төв оролцох болно.
