x

Согтуудаа юу хийж байгаагаа ч мэдээгүй дүүгийнхээ хуруунуудыг тасалсан байна хэмээн мэдүүлжээ

Согтуурсан үедээ долоон настай нагац дүүгээ хүнд гэмтээж дөрвөн хурууг нь тасдсан этгээдийг Сүхбаатар дүүргийн цагдаагийн хэлтсээс саатуулан шалгаж байна. Тодруулбал, энэ сарын 14-ний өдөр 51 настай иргэн Ш нь долоон настай нагац дүү охиныхоо дөрвөн хурууг тасдсан, хөлийн хэсгийг түлсэн, мөн толгойн нь хүнд гэмтэл учруулсан ноцтой хэрэг гарсан юм. Охин зугтаж гараад гудамжинд зогсож байхад нь иргэд цагдаагийн байгууллагад анх мэдээлсэн байна.

Хэрэг гарсан даруйд тухайн этгээдийг 48 цагийн хугацаатайгаар цагдан хорьсон бөгөөд өнөөдөр цагдаагийн байгууллагаас үргэлжлүүлэн хорих саналаа прокурор, шүүхийн байгууллагад хүргүүлэхээр болжээ. 

Эх сурвалжийн мэдээлж байгаагаар, тэд нэг хашаанд амьдардаг байсан ба хэрэг гарах үед охины ээж бага хүүхэдтэйгээ эмнэлэгт хэвтэж байсан байна. Тэрбээр аав, ээжийг нь эзгүйд архидан согтуурсан үедээ нагац дүүгээ сүхээр цохиж хуруунуудыг нь тасалсан байна. 

Гэмтэн Ш нь цагдаагийн байгууллагад мэдүүлэг өгөхдөө "Хэрэг гарах үед би маш их архи ууж, согтуурсан байсан. Өөрийгөө хянах чадваргүй, юу хийж байгаагаа ч мэдээгүй. Нэг мэдсэн чинь дүүгээ гэмтээж, хуруунуудыг нь тасалсан байна лээ. Маш их гэмшиж байна" гэжээ. 

ГССҮТ-ийн эмч нар өчигдөр нийт 11 цагийн мэс засал хийж охины 4 хурууг залгажээ. Гэвч хохирогч охины нэг хуруу эмчдэгдэх боломжгүй байгаа ба улмаар гурван хурууг амжилттай залгасан байна. Охин өдгөө ГССҮТ-ийн эрчимт эмчилгээний тасагт хэвтэн эмчлүүлж байгаа юм. 

Цагдаагийн байгууллагаас тухайн этгээдэд Эрүүгийн хуулийн 11.1 дүгээр зүйлд заасны дагуу Хүний эрүүл мэндэд хүнд хохирол санаатай учруулах гэсэн зүйл ангиар хэрэг үүсгэн шалгаж байгаа аж. Энэхүү зүйл заалтад хүний эрүүл мэндэд хүнд хохирол санаатай учруулсан бол арван мянган нэгжээс дөчин мянган нэгжтэй тэнцэх хэмжээний төгрөгөөр торгох, эсхүл хоёр жилээс найман жил хүртэл хугацаагаар хорих ял шийтгэнэ хэмээн заажээ. 

ГССҮТ -ийн Бичил мэс заслын эмч Д.Даваажаргал "Долоон настай охин ирсэн. Тухайн хүүхдийн баруун гарын нэг хоёрдугаар хурууны нэг хоёрдугаар үеэрээ бүрэн тасарсан. Зүүн гарын гурав, дөрөвдүгээр хуруу нэг хоёрдугаар үеэрээ тасарсан гэмтэлтэй. Дээрээс нь баруун хөлийн гуяны урд хэсгээрээ түлэгдсэн шархтай. Мөн толгойн тус газраа хөнгөн шархтай ирсэн. Тухайн хүүхдийн хурууны тайрагдсан мөч нь хэр удаан хугацаанд сэргэх нь янз бүр байдаг. Энэ хүүхдийн хуруу нэг төвшинд хурц үзүүртэй зүйлээр тайрагдсан байсан учраас эргэн залгахад сэргэх магадлал өндөртэй. Баруун гарын нэг хоёрдугаар хуруу залгагдсан байгаа. Хагалгааны дараа хурууны өнгө зүс гайгүй тэжээлтэй сэргэх магадлал 90%-тай байгаа. Харин зүүн гарын гуравдугаар хурууны нэгдүгээр хэсгийнхээ урд хэсгээрээ тасарсан. Тэр хэсгээрээ үхжил үүсээд эхэлсэн байсан учраас тайрагдсан байгаа. Дөрөвдүгээр хуруу хагалгааны явцад залгагдсан. Тэгэхээр гурван хуруу 80-90%-тай залгагдсан бөгөөд нэг хурууг урд хэсгээрээ тайрагдсан. Одоогийн байдлаар охин хагалгааны дараах биеийн байдалтай Эрчимт эмчилгээний тасагт хэвтэн эмчлүүлж байна" гэв.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (5)

  • mongol
    согтууруулах ундаа үйлдвэрлэж ТВ ээр сурталчилдаг төрийн нэрээр хамгаалагдсан луйварчид буруутай
    2019 оны 05 сарын 17 | Хариулах
  • Зочин
    Өөрийнх нь хуруунуудыг адилхан тасдаж хая адилхан тэр өвдөлтийг мэдрүүлэх хэрэгтэй нялх амьтан шүү дээ яаж чадаж байнаа хүн биш ийм юмнууд хорвоогийн тоос хөдөлгөж явах хэрэг байхгүй алчих юмсан
    2019 оны 05 сарын 17 | Хариулах
  • Hu
    Novsh yumaa tsaaziin yliig sergeegeechee
    2019 оны 05 сарын 17 | Хариулах
  • Үхсэн новш
    Муу лалар ясан гэж тэр бяцхан охиныг ингэж бгаа гичий вэ 8 жил хорьж яадын гөлгийг адилхан хурууг нь таслаад нохойд хаяж өг
    2019 оны 05 сарын 17 | Хариулах
  • a
    Yooo yu weee ene chini.hvn vv svg vv odoo bolimoor yumaa hvvhdiin hvchirhuulel deer ylaa changatgaldaa tsaaziin yl sergeewel taarna shdee
    2019 оны 05 сарын 16 | Хариулах
Top