x

Согтуугаар жолоо барихын эсрэг аяныг санаачлагч Жаки Сабуридо таалал төгсчээ

Жаки Сабуридо 20 настайдаа автын осолд оржээ. Тэрээр согтуугаар жолоо барихын аюулыг өөрийн эрэмдэг болсон дүр төрхөөрөө сэрэмжлүүлж байсан юм. Жаки Сабуридо 40 насандаа Гуатемалд хорт хавдрын улмаас таалал төгсчээ.

1999 онд Жаки Сабуридо 20 настай байхдаа дөрвөн найзтайгаа төрсөн өдрийн үдэшлэг тараад харьж явах замдаа автын осолд оржээ. Тэдний машинийг согтууруулах ундаа хэтрүүлсэн хэрэглэсэн жолооч мөргөж, ослын улмаас машин шатсан байна. Машинд байсан хоёр зорчигч газар дээрээ амиа алдаж, Сабуридо машинд гарсан галын улмаас биеийнх нь 60 хувь шатсан байна.

Энэ хэргээс хойш хохирогч бүсгүй “Согтуугаар жолоо барихын эсрэг” аяныг явуулж эхэлсэн байна. Жаки Сабуридо 100 гаруй удаагийн мэс засалд оржээ. 

Тухайн үед осол гаргасан жолооч 18 настай байсан ба санамсаргүйгээр хүн амины хэрэг үйлдсэн хэргээр долоон жилийн хорих ял эдэлж, 2008 онд суллагджээ.

Жаки Сабуридо “Хэрвээ хэн нэгэн хүнд ухаантай шийдвэр гаргахад туслах бол би камерын өмнө чих, хамар, хөмсөг, үсгүйгээр хэдэн мянган удаа суухад бэлэн байна” хэмээн олон удаагийн илтгэлдээ хэлж байжээ.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Top