Балбын хүүхэд залуусын сонирхож бүр донтоход хүрээд байгаа интернэтийн Player Unknown’s Battle Grounds буюу Pubg тоглоомыг орон даяар хориглосон шийдвэр гаргажээ. Балбын Харилцаа холбооны зохицуулах газар үүрэн телефон болон интернэтийн сүлжээний компаниуд улсынхаа бүх нутаг дэвсгэрт PUBG тоглоомыг блоклох шаардлага хүргүүлжээ. Энэ тоглоомоос болж ямар нэгэн ноцтой гэмт хэрэг, үйлдэл гараагүй ч өсвөр насныхан энэ тоглоомонд донтож хичээл сургууль бусад ажил үүргээ умартахад хүрээд байна гэсэн гомдол эцэг эхчүүдээс олноор ирээд байна гэж Харилцаа холбооны зохицуулах газрын төлөөлөгч Reuters агентлагийн сурвалжлагчид ярьжээ.
Үүний өмнө Энэтхэгийн Гужарат мужид 18-аас доош насныханд энэ тоглоомоор тоглохыг хориглосон бол Хятадад энэ тоглоомыг оролцуулсан интернетийн 20 тоглоом тоглох цагийг хязгаарлахаар ярьж байгаа юм байна.
Солонгосын хэвлэлийн Bluehole компанийн охин PUBG Corporation студид бүтээсэн хаатдын тулааны тухай энэ тоглоом интернет тоглоомын өмнөх дээд амжилтуудыг эвдээд байгаа юм. 2017 оны наймдугаар сар гэхэд хамгийн алдаршсан тоглоом болж есдүгээр сар гэхэд 1.3 сая хүн нэгэн зэрэг тоглож байсан бол сарын дараа энэ үзүүлэлт хоёр саяд хүрсэн байна.
Харамсалтай нь, энэ тоглоомд донтож ажил сургууль, ар гэрээ мартах явдал хэрээс хэтэрлээ гэж олон улс орны эцэг эх гомдоллох болоод байгаагаас улс орнууд ийм хориг, хязгаар тогтооход хүрээд байгаа юм.
Х.Өлзийбаяр
Сэтгэгдэл (4)